رد : اعتذار للجميع ....ارجو من الجميع الدخول (مستجدات في الرد 263)
اختى الفردوس غايتى بارك الله فى عمرك واسرك وفرحك وجعل الفرح والسرور قريباً منك ان شاء الله
الاخ العزيز ابو مريم اسأل الله أن يبارك فى عمرك
انا قللتلها والله انا خايف الفرحه تطير ربنا يسترها
انا كلمتها فى التليفون ....
اولاً انا مبكلمهاش بقالى من يوم الاربعاء اللى فات
طبعاً مفيش بيننا غير رنات الفجر وبس
المهم امها اتصلت انهاردة قالتللى اية يا فارس فينك يا حبيبى ولا بتسأل
قللتلها الحمد لله انتى اخبارك ايه؟
قالت الحمد لله
..........الخ
بعد شويه عرفت انى مريض
قالت الف سلامة عليك
المهم فضلت تخش فى مواضيع وانا حصللى والمهم قعدت تكلمنى حوالى ربع ساعه
بعدها لقيت تلفونها بيرن ثانى
قالت خد هى عايزة تسلم عليك
هى : السلام عليك (تضحك)
انا : عليكم السلام ( ضحك )
هى : فى ايه ؟
انا :ايه مالك
هى : انت اللى مالك؟
انا : الحمد لله هو فى حد يسال عن حد عيان يقوله فى ايه؟
هى : امال ايه؟
انا : يقول سلامتك الف سلامه عليك
هى : ان شا ءالله
انا : اخبارك عامله ايه واخبار الدراسه والمذاكره والدروس
هى :الحمد لله
انا :بتعمللى ايه دلوقتى
هى : مفيش كنت بذاكر
انا : طيب شدى حيلك انا معطلك
هى : لا مفيش عادى
تلفونها رن
انا : مين ؟
هى : واحده صاحبتى
......الخ
المهم
هى : طيب اقفل دلوقتى عشان ماما عايزه تلفونها
انا : طيب هكلمك على موبايلك
...
شويه واتصلت على موبايلها هى المكالمه اللى فاتت كانت تقريبا حوالى الساعه
....
السلام عليكم ...عليكم السلام
بعد كل السلامات من ثانى
انا : انا عايز اكلمك شويه كدة بصراحة يا مها لانى بجد مخنوق
هى : اتفضل
انا : انا قبل اى حاجة عايز اعرف اجابة السؤال اللى سالتهولك وفى كل مرة بسالهولك وبتهربى منه
هى : اللى هو
انا : بدون لف ولا دوران انتى عارفة
هى : طب لمح
انا : انتى بتجاوبى عللطول مش عارفة
هى : فى حاجات كثيرة انا كنت بقول مش عارفة
انا : طب مها انتى بتحبينى ولا لاء
هى راحت مغيرة الموضوع عللطول
انا : متحاوليش تغيرى الموضوع انا بسألك جاوبى
هى : ههههههههههههه والله مش قصدى
انا :طب جاوبى
هى : خلاص بقى انا جاوبت السؤال دة قبل كدة
انا : دى ردود دبلوبامسية وانا بصراحة مبحبش كدة
هى : ضحك
انا : مش كل ما اسألك تقوليللى كان ايه اللى يخلينى مستمرة معاك لو انى مش عايزاك
هى : ايوة صح
انا : لا عادى جدا ياما كثير بيفضلوا مع خطابهم كدة وخلاص
هى : مستمرين تمشية حال يعنى
انا : اااااايوة
هى :سكوت
انا : يابنتى حرام عليكى عموما بصى يا مها انا كنت عايز اخرج اللى جوايا مستعدة تسمعينى ولا اقفل
هى : لا اسمعك
انا : طبانا بصراحة زعلان منك
هى : منى انا لية ؟
انا : بجد مش عارفة لية
هى : والله ما اعرف
انا : انتى مرتاحة يا مها
هى : الحمد لله
انا : يعنى مبسوطة
هى : الحمد لله
انا : بس انا مش مبسوط ولا مرتاح
هى : اشمعنا ؟
انا : كدة يا مها بسبب معاملتك ..........................( سكوت فترة ) ينفع اقعد 5 ايام وفى الاخر والدتك اللى تكلمنى ينفع ..هو يصح واحدة متسألش عن جوزها قبل كدة مرة عشر ايام ومرة اسبوعين ومرة 3 اسابيع ...دى تبقى اسمها خطوبة
هى : ايوة عادى
انا : هو اية دة اللى عادى مين قال الكلام دة
هى : بجد عادى والله بس بردة انت كمان لازم تكون مقدر انى ورايا مذاكرة ومشغولة
انا : وهو يعنى تلفون صغير دا اللى هيعطلك
هى : ضحكة صغيرة بسخرية ...عشان تلفوناتنا بطول مش صغيرة ولا حاجة يعنى
انا : انا بجد مش مرتاح فى الوضع دة
هى : ماشى
انا : يعنى هتعمللى اية
هى : مش عارفة
انا : عرفتى بقى انا عايز اعرف انتى بتحبينى ولا لاء لية ؟ لان مفيش واحدة بتحب واحد تعمل فية اللى انتى بتعملية دة
هى : يعنى انت مش متاكد من حاجة زى كدة
انا : مش عارف انا بجد مبقيتش عارف انا نفسى اسمعها كدة ايوة انا بحبك تبقى مباشرة وانا بسألك يامها دلوقتى انتى بتحبينى
هى : طب بض انا هختار اجابة قريبه ...مش لاء
انا : بقلك ايه مش هقبل غير باجابة رسمية
هى : طيب انت كنت قلت قبل كدة اى او لاء
انا : اوك ماشى
هى : اة
انا : والله ...بجد
هى : خلاص بقى انا قلت
انا : وانا بموت فيك وبعشقك وبحبك مووووووووت ومقدرش اعيش من غيرك (( والله كنت هعيط من كثر الفرحة ))
الحمد لله
هكملكوا بكرة ان شاء الله
لان طول الليل بتكلم ولسة منمتش
هقوم لان بجد ظهرى المنى جدا وعندى صداع رهيييييييييييب
السلام عليكم