كلمتها الان لاعرف هل سنخرج ام لا
سالتها عن اخبار الامتحانات
قالت الحمد لله
سألتها نخرج نغير جو شوية
قالت اليوم ؟؟؟
قللتلها اية ؟؟
قالت انهاردة يعنى مش لازم انهاردة
قللتلها طب خلاص مش لازم
انت عاملة اية فى المذاكرة
قالت الحمد لله
ثم سألتها عن صحة اهلها
قالت الحمد لله
قللتلها طيب عايزة تخرجى امتى ؟؟
قالت والله عادى انت عايز امتى
قللتلها الميعاد اللى تشوفى انك فاضية فية وموراكيش حاجة
قالت بص مبعرفش اخذ ميعاد شوف انت وخلاص
قللتلها لا عشان مذاكرتك
قالت طيب خليها الاحد
قللتلها ماشى معندكيش اى حاجة ولا مذاكرة ولا حاجة
قالت لا طبعاً ورايا مذاكرة
قللتلها طيب لا مش لازم
قاطعتنى طب خلاص خلاص عادى
قللتلها لا مش عادى طب عموماً والدتاك عازمانى يوم الاثنين خليها الاثنين
قالت لا الاثنين لو هنقعد مع بعض بس مش لازم نخرج
قللتلها خلاص مش لازم
قالت شوف الميعاد اللى انت تشوفة نخرج فية
قللتلها خلاص سيبك من موضوع الخروج دة
قالت ماشى بس مش زعلان يعنى
قللتلها لا عادى هزعل من اية
قالت طب كويس
(( وانا فى قرارة نفسى زعلان طبعاً انا نفسى اخرج معاها لو كل يوم بس لازم ابين لها بردة انى مش هموت عالخروج معاها كدة يعنى والحمد لله تمالكت نفسى وقللتلها لا مش زعلان ولا حاجة ))

المهم قللتلها شدى حيلك انا عايز مجموع يرفع راسى ربنا معاكى انا عارف ان الحمل عليكى ثقيل
قالت والله فعلا ثقيل
قللتلها معلش شدى حيلك انتى قدها وقدود
وبكرة ترتاحى باذن الله
هجيلك الاثنين ان شاء الله
قالت ان شاء الله
يلا مش عايزة حاجة
السلام عليكم
........
وفى هذة المكالمة تبدلت حالى من حال الى حال
من أسوأ حالاتى الى اسعدها
اول مرة تسألنى انت زعلت ؟؟
واول مرة تقوللى انا مبعرفش اقرر فى حكاية المواعيد دى
سبحان الله
ماشاء الله
انا مش عارف انا اللى نظرتى اتغيرت ولا هى اللى اتغيرت فعلاً الله اعلم