تجربتي مع bb كريم غارنيه
مساء الجمال والروئآن ..
أول موضوع لي بهالقسم وأتمنى انو تستفيدو منه مثل ما استفدت منكم في مواضيعكم قبل
قبل فترة كنت بالصيدلية اشتري لي صبغه وحمام زيت , لفت إنتباهي كريم مع مجموعه
غارنييه , لونه غامق شوي , فكرته بالبداية من كريمات التان والبرونزاج
بس مسكته بيدي وجلست اقرى مكتوب عليه محسن البشرة الرائع .. مرطب يومي 5 في 1
ولفت انتباهي كمان سعره رمزي واقتصادي , وحاجه اول مرة اسمع فيها , قلت خليني اروح
البيت اسوي سيرش عنه بالنت , وفعلا لما قرأته عنه تفاجأت بالبنات اللي طايرين فيه
تحسفت اني ما شريته 
رحت ثاني يوم و جبته , واستعملته فعلا شي جميل جدا جدا جدا ..منتج بطل فعلا
أكلمكم عنه من تجربة أغناني عن الفاونديشن صرت بس احط منه شوي
وبودرة من ماك و خلاص , احس بشرتي حلوة وصافيه
طبعا اللي ما تعرف عن هدا الكريم حابه اتكلم عنه شويه
هو مرطب ملون ؛ يحتوي على كريم ترطيب ومعالجة , كريم وقاية من الشمس ,
فاونديشن ..
البي بي كريم هذا لي شهر استخدمته , فعلا يا بنات روعه روعه فوق ما تتخيلو
وينفع للإستخدام اليومي ولطلعات كمان وللدوام , وللناس اللي تحب تهتم بمظهرها وبشرتها
اغناني عن كريمات كثير انصحكم فيها بصراحه كلمة روعه قليلة فيه ..
راح اتكلم معاكم شوي عن خصائصه :..
يوحد لون البشرة
يعزز الاشراقة الصحية
يرطب 24 ساعة
يحمي من اشعة الشمس
يحتوي على فيتامين C و ألوان معدنية
صناعته المانيه
له درجتين اللي شفتها بالسوق فاتح ومتوسط , قرأت بالنت انو ثلاث بس ما لقيت او
يمكن ما نزل عندنا بالسعودية لسه
احلى مافيه ترطيبه ممتاز ,احس كأني مستخدمه كريم قوي الترطيب وكمان يعطي شكل
بشرة طبيعية وصافيه ,يناسب للصباح من حيث التغطيه الخفيفه الى المتوسطه ..
يعني خافي عيوب بس مو الحبوب الواضحه لا الحاجات البسيطة زي الحبوب
اللي تطلع في الوجه قبل وبعد الدورة ..وفوق هدا خفيف جدا ع البشرة
يناسب جميع انواع البشرات العادية , الجافة , المختلطة , الحساسة , الدهنية
سعره زهيد جدا ما يتعدى 30 ريال.. تلاقوه بالصيدليات والدانوب وبنده
هذي صورته ..
أتمنى تجربوه , حيعجبكم مثل ما أعجبني ,, 
لا تنسوني من دعواتكم يا قمرات.. فتكم بعافية
__________________
الوعي هو الملاذ ..
أستغفر الله العظيم ؛
( الفردوس غايتي )
التعديل الأخير تم بواسطة أم خالد. ; 30-12-2012 الساعة 03:05 PM