منتدى عالم الأسرة والمجتمع - عرض مشاركة واحدة - خالة زوجي تستفزني(مشكلة محلولة في الرد 113)

23-12-2012, 10:22 PM

#88

أم سلطان1

كبار شخصيات المنتدى

تاريخ التسجيل: Sep 2010

المشاركات: 2,977

رد : خالة زوجي تستفزني

اقتباس:

المشاركة الأصلية كتبت بواسطة ذكريات لاتغيب

تمونين يا ام سلطان

بس تأكدي ان القدره على المواجهه تختلف من شخص لشخص

ومبدئياً افضل انها تكون مو امام الناس

واذا جيتي للحق

لو كنت بمكانك يا سيدة راح اتجنب الصدام وجها لوجه قد ما اقدر لأني ما اعرف اتهاوش مع احد
ولا اعرف ارد مع الي لسانه سليط

لكن بالتلفون اتوقع راح تكون المواجهه اسهل ...

ومو ضروري تعطينها ارقام قولي لها بدور لك ارقام>>>مصره على الفكره

الله يسلمك يالغالية
ومن الناحية اللي تكلمتي عنها والله إنك صادقه المواجهات تختلف من شخص لآخر فعلا كلامك حقيقة

يمكن تشجيعي لسيدة على انها تواجهها بكل قوة وحزم وإرادة علشان انا في مامضى مريت بموقف مثل هالمواقف بس مع اخت زوجي وخالته كانت متواجده حينها صار نقاش بيني وبين اخت زوجي هي اكبر مني واصغر من زوجي بالعمر فاحتد النقاش بيننا وتكلمت على اهلي وسبتهم وانا والله ماقدرت اتحمل وماحبيت اسب اهلها لأنهم اعمامي واحترمهم والمشكلة انو امها واخواتها وخالتها كانوا متواجدين ولما سبت ولعنت اشهدت عليها امها واخواتها وقلت لهم خلوها تقصر الشر وتحفظ لسانها امها حاولت تسكتها ماقدرت عليها وهي زودتها وانا شياطين الدنيا كلها وقفت بين عيوني كنت داخل غرفتي في بيت عمي وهي برى تمسح في بلاط بيتهم عندها سطل موية ومساحة خشبية ولسانها ماوقف تهذر وتقول لي اطلعي لو انتي بنت ابوك اوريك شغلك وانا طلعت لها وتماسكنا انا وياها وكفختها الين قالت بس واشيل راسها واحطه في سطل الموية وارفعه وارجعه مرة ثانية بغت تموت بين يديني اخواتها وامها الشهادة لله ماتدخلوا مدري هما خايفين المشكلة لا تكبر بالنسبة لأمها قالت لها تستاهلين ماجاك قلت لك احفظي لسانك ماطعتي خليك تتأدبين وخالتها كانت تتنطط شوية معاها بس بلسانها هي كبيرة بالسن شوية ومافك بيننا إلا زوجي جاء من المسجد صلاة المغرب واحنى متماسكين وهاتك ياتصفيق وترفس وتسحيب ولما زوجي دق الباب خالته راحت جري وتصيح تعال بسرعه زوجتك قتلت فلانه موتتها وجاء يركض وفكها من يديني بالقوة وعمي كان باقي بالمسجد ماجاء إلا متأخر وجاء يسأل خير وش فيه وش صار ليش تضاربتوا جتةخالته داخله عرض تقول له كلهم الثنتين غلطانين قوم اصفق كل وحدة منهم كف على وجهها حتى يعقلون وانا كنت واقفه سمعتها لما قالت كذا قلت لها بالله من جدك يصفقني كف تعالي انتي عنه بالنيابة ولو هو عادي عندكم في عايلتكم الحرمه يكفخها زوجها حنى ماعندنا حريم ازواجهم يضربونهم وابن اختك هذا هو جالس خليه بس يحاول ويجرب يمد ايده عليه عليم الله ليندم طول حياته وانتيةمرة ثانيةةاحفظي لسانك ولا تدخلين بيننا انتي هنا مجرد ضيفة فلا تحشرين نفسك واستحي على وجهك حرمة كبيرة بالسن وجالسة تدخلين باللي مايخصك إذا عمتي ام زوجي ماتدخلت انتي وش حشرك بالموضوع هاه قولي لي وبعدها سكتت وقالت انا مادخلني بينكم انتم بنات عم وتفاهموا خلاص انا كان قصدي انه يصير رجل ومايسمع لكلام الحريم رديت عليها ماراح تكتمل رجولته بنظرك إلا لو صفقنا كفوف على قولك هذا الكلام عندكم انتم في عايلتكم اما انا هذا هو قدامك ولد اختك خليه يسمع كلامك ويقوم ويسويها ويشوف وش يصير بعدها واخليك تنفعينه بعدين زوجي شاف السالفة بتطول شالني من البيت وطلعنا انا وياه واخت زوجي اللي تضاربنا انا وياها والله ماتمينا اربعة ايام إلا واحنى ضحك وسوالف ومتفقين واقسم بالله الذي لا إله إلا هو إن اخت زوجي هاذي اليوم تشوفني مثل عيونها وماترضى فيني وتعزني وتقدرني وتحترمني وانا ابادلها نفس الشعور يشهد الله انا نحب بعض ومن هذاك اليوم الين اليوم ما اختلفنا على شئ ابد بالعكس كل وحدة منا اسرارها عند الثانيةواني اعزها واحترمها ولا في قلبي اي شئ عليها وتحسفت وتندمت على غللي صار بيننا ويوم اتفقنا بعد المشكلة جلسنا نبكي مع بعضنا وكل وحدة فينا تلعن الشيطان وتقول كل اللي صار بسبايب الشيطان وفي لحظة غضب صار اللي صار والحمدالله من 13 سنة يوم المشكلة وحنى حبايب وخالة زوجي بطلت وصارت تتحاشى اي سالفة فيها نقاش عادي لدرجة حتى لو زوجي قال لها كلام يمزح معاها فيه وجاب طاريه في السالفة على طول تقول له لا انا مادخلني في زوجتك انت حر وتفاهموا مع بعض رجاء خلني بعيدة عنها فكني من مشاكلها وخالته والله انها طيبة وحبوبة بس ذاك اليوم شكلها كانت تبغى تفزع مع بنت اختها ومادرت وش تسوي قامت تحرض زوجي عليه وعلى اخته تبغاه يمد ايده علينا
وبطبعي انا الصراحة ما اتحمل بالبداية ابلع واسكت للي اكبر مني بس لو تكرر الغلط عليه والله ما اصبر ولا اقدر اتمالك نفسي واللي يغلط بحقي والله ماغير اغسل شراعه وشراع اهله اللي خلفوه حتى لو وصل الأمر للمطاقق ماعندي مشكلة اللي مايحترمني ما احترمه خلي التربية والأخلاق على جنب وانزل لمستواه حتى اعقله وبعدين ارجع لها كل شئ إلا الكرامة وكل شئ إلا اهلي ما احب اي احد يتطاول عليهم والحمدالله الحين كل العائلة بعد هالمشكلة تتعامل معاية بكل احترام وتقدير والله اني لما اكون عندهم يحطوني فوق روسهم ولو عندهم مشكلة او سالفة تخصهم انهم يقولون لي عنها ويتشاوروني فيها واختهم الكبيرة اللي متزوجه ماتدري عن اللي يصير لو فيه شئ يقولون لي انا اول وحدة عليه قبل اختهم وقبل زوجة اخوهم الثاني لو فيه وحدة انخطبت من اخوات زوجي يقولون لي قبل كل العائلة يتصلون عليه ويبشروني بالخبر ويقولون لي وش رأيك بالموضوع والله ان حتى اخوهم ما يكلمونه ولا يتشاورونه كثر ما يتواصلون معاي وياخذون رأي قبل اخوهم الكبير اللي هو زوجي حتى زوجي يقول لي غريبة اخواتي يتصلون عليك وتكلمينهم بالساعات اكثر مني وانا اخوهم مايتصلون على رقمي شكلهم ناسين الرقم تبعي اعطيهم قولي لهم هذا رقم اخوكم يمكن يتذكرون ان عندهم اخ في الأعياد والمناسبات يتصلون عليه اماخلافه مايغرفون إلا ارقامي ولو مارديت عليهم يتصلون على رقم عيالي وين امكم خلوها تكلمنا ليش نتصل عليها ماترد عسى ماشر لا يكون تعبانه وانا نفس الشئ والله لو فيهم وحدة عندها انفلونزا او حساسية إني باليوم الواحد اتصل اكثر من اربع مرات اطمئن عليها والصدق والله إني احبهم واثق فيهم وفي اخوتهم وصداقتهم لأن قلوبهم نظيفة ومايحملون فيها إلا كل طيبة وام زوجي كذلك الله لايحرمني منهم ومن اخوتهم يارب

معليش طولت وانا اروي لكم السالفة
وكلامي هذا لايعني إني اشجع سيدة الموقف على التصرف العنيف والقاسي ولاكن ترد عليها برد حازم يوقفها عند حدها وبوجود زوجها وام زوجها حتى لو خالة زوجها حاولت تمد يدها او شئ يكون هناك قبلها مطبات صناعية يمنعونها من الإصتدام بعنف

والكلام لو كان قوي راح يأثرفيها ويخليها ماتسوى وتعيد حساباتها من اول وجديد في تصرفاتها

ذكريات لا تغيب باقي مصممه على سالفة الإتصال

وإن هي خالة زوجها تبغى تصلح غلطة ابن اختها وماتبغى إلا هو لبنتها ولا هو
مثل عندنا عائلة كلهم يتزوجون من داخل عايلتهم وكانوا هم معروفين اكثرهم يقرون على الناس ويعالجون بالطب الشعبي وفيه واحد من العائلة هاذي خالف النظام الدستوري وغلط وتزوج من برى العائلة وبعد فترة مات ابوه اللي كان يعالج ويقرأ على الناس المرضى وبعضهم يكتب لهم الشفاء ويتعافون من امراضهم وقالوا والله فلان رجل صالح دعواته مجابه وعلاجه يشافي الأمراض المهم الولد حب ياخذ مهنة ابوه ويترزق الله ويبغى الأجر يعالج الناس كان الناس مايجون يتعالجون عنده علشان ان عمته اخت ابوه حاطه إشاعة انه علاجه غير نافع لناس ودعواته غير صالحة والسبب إنه متزوج من إمرأة من خارج العائلة وانه علشان الله يقبل منه دعواته والناس تستفيد من علاجه عليه إنه يتزوج من داخل العائلة زوجة ثانية علشان يضبط الشغلة والمرضى اللي يتعالجون عنده يتشافون وللحين مسكين يواجه معاناة مع اهله لأنه تزوج من برى العائلة حتى فيه علامه خاصة تطلع في معظم اجساد ابناء العائلة تكون فيهم وهم اطفال وعيال الرجل هذا لما زوجته جابت اول طفل جلسوا يتفحصونه ويدورون على هالعلامة اللي تجي بمعظم اطفال العائلة فما لقوها موجودة عندهم قالت عمته لرجل شوف حتى اولادك ماطلعت فيهم العلامات اللي تجي في معظم عيالنا علشان امهم من خارج العائلة وعمته هاذي عندها بنات وتبغى تزوجه علشان يحضى يالشرف العائلي وعلشان اجداده واسلافه يرضون عنه هههههههههه خزعبلات وكلام فاضي ما له داعي عليهم حركات هالعمات والخالات تطير العقل .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق

اشهد ان لا إله إلا الله وأن محمد رسول الله