رد : خالة زوجي تستفزني
لا لا ياذكريات لا تغيب الله يسلمك كلامك زين وجميل لو سيدة الموقف باقي فيها صبر وشده وهمه على مجاراتها لاكن والله ماراح تتحمل اختنا في الله مو مكلفه انها تصبر عليها وتضغط على نفسها واعصابها وتتحملها يمكن لاسمح الله تجيها الأمراض وهي ساكته وتبلع وهاذيك تزيد وتتمادى
واما انها تتصل عليها وتعطيها رقم خطابات عز الله إلا جابت العيد لنفسها يمكن تجي لها حتى بيتها وتروح تشتكي على ولد اختها من زوجته وعلى اختها وبتقول لهم انها ماعملت كذا مو حبا في الخير لبناتها إلا انها غيرانه من بناتها وخايفة على زوجها لا يتزوج منهم عاد هي ماتبغى الا سبب بسيط وتبغى تطلع حرتها في سيدة الموقف وذاك الساع راح تعاديها عيني عينك وفي النهاية بترجع الحجة في سيدة الموقف على اساس انها هي اللي استفزتهم بمكالمتها وعرضت عليها ارقام خطابات لبناتها وراح تقول كلام قوي وجارح لسيدة الموقف وتطلع كل اللي بقلبها عليها بسبب هالمكالمة ويمكن ان بناتها بعد يدخلون على الخط خصوصا انهم مايحبون سيدة الموقف على حسب مافهمت
هاذي حرمة باين عليها انها سليطة ولا تنفع معاها لا المسايسة ولا التطنيش ماراح ينفع معاها إلا المواجهة اللي تخليها تصحصح من اللي جالسة تسويه
ومعليش للأني دخلت على كلامك ياذكريات بس والله فكرت فيها وقلبتها في راسي بالذات المكالمة إلا وهي بتجيب بلاوي لسيدة الموقف خصوصا لو استغلت خالة زوجها هالمكالمة علشان تفجر الوضع وتأزمه بزيادة بين سيدة الموقف وزوجها لو راحت له البيت او اتصلت عليه وقامت تتشكى وتعيد وتزيد في كلامها يمكن تحصل مشاكل لاسمح الله لسيدة الموقف مع زوجها فالحذر واجب
وآسفه مرة ثانية واعتذر منك ياذكريات لا تغيب علشان إني تداخلت معاك بمشاركتك وليعلم الله انه دخلت لإبداء رأي وليس اعتراض على كلامك وسيدة الموقف هي سيدة المواقف وبتاخذ الأصلح والأنفع لها بعون الله ومانحن هنا إلا مجرد مصابيح نضئ لها الطريق حتى تميط الأذى من امامها وهي تسير
وبارك الله فيك وشاكرة لك سعة صدرك غاليتي.
معليش ياذكريات مالمحت كلمت (الى إني لا افضلها ) إلا متأخرة وفعلا حتى انا ما افضلها احسن شئ انها ماتتصل عليها نهائيا ولا تناقشها إلا بحضور اختها وزوجها او اختها تكفي .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله