المشاركة الأصلية كتبت بواسطة ذكريات لاتغيب

هلا فيك يا سيدة

والله انتي كتبتي المشكله والسبب والحل

يعني واضح ليش تتصرف كذا .. تبي تصحح غلطة ولد اختها هههه امزح معك

الحل الي اشوفه

حاولي ما تقابلينها كثير واذا اضطريتي وكانت موجوده زوجك لا يجلس معاكم

علشان انتي لا تتنرفزين من تعليقاتها

يعني فهميه اذا جيتو وكانت فيه لا يجلس يقوم يصرف نفسه

او انتي انشغلي باي شيء لين يطلع فتره كذا لين تفهم انكم تتضايقون من تعليقاتها

بس ما لك حق تزعلي من زوجك

صراحه هو ما غلط .. وش تبينه يقول يرادد خالته

لا ابي زوجتي او زوجتي ما في مثلها

انا اشوف ان سكوته صحيح

ان جاملها وضحك زعلتي انتي

وان رد بكلمه دفاع عنك زعلت هي وحتى لو كانت غلطانه (وما راح يرتاح وهي زعلانه وبالعكس بيبدأ يسوي حركات ترضيها وانتي وقتها بتتضايقين اكثر)

ممكن تدافعين عن نفسك بطريقة حلوه

- لا قالت غريبه او شيء زي كذا قولي افا يا خاله انا منكم وفيكم او ما غريب الا الشيطان

رددي قبل لا تقابلينها ( اللهم اكفنيها بما شئت) (اللهم اجعل خيرها بين يديها وشرها تحت قدميها)