رد : خالة زوجي تستفزني
يالغالية تصدقين بالله إني بالي مشغول عليك حتى النوم والله ماجاني جالسة افكر فيك وادعي لك واقول يارب انها تصالحت هي وزوجها وتفاهمت معاه والحين تجي تبشرنا بالعلوم الزينة
طيب يالحبيبة الحين باقي معاك من الوقت متسع ويمديك تصالحين زوجك وتتفاهمين معاه وصدقيني إن زوجك يحبك ويعشق تراب رجولك والدليل تقديره واحترامه لك ولمشاعرك شوفي كيف اعتذر عن عزيمة خالته وكلمها بطريقة جافة كله علشان يبغاك ترضين وتناقشينه وهو ماقال لك انها خالته المتصله إلا انه يبغى يفتح معاك باب للحوار بس انتي الله يهداك سديتي هالباب بوجهه وزيادة مخليته ينام بالصالة يا اختي الله يسعدك هذا زوجك وابو اولادك وشريكك في الحياة انسي وحطي في بالك ان هو ماله دخل باللي تسويه خالتك وروحي لزوجك صحيه لصلاة الفجر الحين يأذن يمكن عندكم وصلوا وعينوا من الله خير وجهزي الفطور وافطري انتي وياه واجلسوا على رواقه وامدحي موقفه اللي سواه واعتذاره عن عزيمة خالته ترى اللي سواه يبغى يبين لك إنك اغلى الناس عنده وانه مافكر فيها ولا في كلامها وانتي صارحيه باللي في خاطرك وانا اضمن لك بعون الله إنك ماراح تسمعين منه إلا الكلام اللي يسرك ويريح بالك ويشيل كل الشحنات الزايدة اللي في قلبك يا سيدة طول عمرنا نثق في كلامك ونحبك ونعزك ونقدرك ومثل ماعهدناك إنك شخصية منصفة وماتحبين تاخذين المحسن بجريرة المسئ مثل ماعرفتك من اخوتك وصداقتك هنا في المنتدى ان شخصيتك رائعة وجميلة ودائما تعجبني حلولك وكلماتك العقلانية روحي تفاهمي مع زوجك وتراضي انتي وياه وتعوذي من ابليس ولاتخلين له مدخل عليك وعلى حياتك ولا تنكدين على نفسك بكثر الحزن والبكاء على شئ عابر وكلام ينقال بالهواء انسي ولو بغيتي تتفاهمين تفاهمي مع خالته وانتي بطريقتك الحازمة والشديدة تقدرين عليها بعون الله بالنسبة لزوجك خلاص يالغالية مسكين يكفيه اللي فيه من امس مطنشته حرام عليك ترى والله طريقة الصمت تذبح وتقتل بعض الرجال واحس انه وده يراضيك وياخذ على خاطرك بس انتي اعطيه مجال وشوفي ايش بيقول لك واسمعي منه وخليه يسمع منك وتفاهموا وعسى الله يسعدكم ولا يغير عليكم يارب ترى شوفي اذا جاء اليوم وماطلع موضوعك مو من ضمن المواضيع المغلقة ترى بنزعل عليك او اقلها تصالحي مع ابو العيال وتفاهمي معاه وبشرينا وخالته بعدين نشوف لها حل يريحك بعون الله بس زوجك لا تاخذينه بكلام خالته الله يعطيك العافية ويسعدك يارب
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله