والدي البليغ هذي التفاصيل لتكشف بعض من جوانب شخصية زوجي /
انا تأخرت ماحملت جلست سنه وشهرين وكان يحلفني بالله ويقول لي انتي شكلك تستخدمين حبوب منع حمل ؟
وانا والله ما استخدمت شي
ليلة الدخله سألني انتي عندك جوال قلت لا قال احسن شي !وان شاء الله اشتري لك جوال
وفي اليوم الثاني من زواجنا قلت له تكفى اشتر لي جوال ان 73 خاطري فيه قال بكم قيمته 1350 قال انتي شكلك تبين تكسرين ظهري
احد يقول هذا الكلام لعروسته في ثاني يوم من زواجهم
قال جوال كاميرا مارح اشتري بشتري لك جوال بلوتوث
طبعا قبل الزواج ماحصل بينا اي تواصل في فترة الملكه
وابوي الله يهديه زوجنيه وهو يدرس الماستر ومابعد حصل وظيفه
ومره من المرات دخلت ايميلي ولما جا البيت قلت له وزعل علي وماعاد كلمني وصار لما يطلع من البيت ياخذ معه الكنكت
لما تزوجته كنت ادرس الثانوي قلت له اذا نجحت ابغى هديتي لابتوب
ورفض وجلست ابكي
وبعد مرور سنتين ونصف على زواجي شريته من حسابي من حافز
ورافض رفض قطعي اتعرف على جيراني
ورافض اكمل دراستي في الجامعه
ويقول بتهملين بيتك وعيالك ورجلك
وماوافق على دراستي
وبعدين وافق بس ادرس انتساب عن بعد
وانا ادفع الرسوم من حافز
وتغربنا والحمدلله تعرفت على مجموعه من الصديقات ازواجهم معاه بالدوام بحكم غربتنا كلنا نمشي دوريه
لكن اذا بغيت ازورهم لازم اقنع فيه نصف ساعه
واذا بغيت اعزمهم لازم افاتحه بالموضوع قبلها بااسبوع كامل
بحكم طبيعة عمله خلته وسواسي
لان عمله يباشر فيه قضايا ابتزاز وهروب وخيانه وووووووو
كرهته
صار نقاش بيني وبينه وقلت بعد ماتغربنا في هالديره حياتي فيها افضل من سكنا بالرياض بالف مره
هنا تعرفت على صديقات واستفدت منهم وصار عندي خبرات
لكن يوم كنت بالرياض كنت انطوائيه
قال بالعكس الرياض افضل واذا رجعنا الرياض سجلي بحلقه يغار علي غيره غريبه اذا وقفنا عند اﻻ‌شاره وشاف واحد يطالعنا جلس يدعي عليه* او في السوق او اي مكان* يتنرفز ويقومنا من المكان ويودينا البيت* متحكم فيني لدرجه انه احيان مايثق فيني* ومايبغاني اروح وﻻ‌ اجي* وفي بداية زواجي يسألني عن صديقاتي وعن عﻼ‌قاتي وبعدها بفتره قال لي ان الواحد يسأل اسأله ومقصده من اﻷ‌سئله شي ثاني يعني يبغى يشوف ماضيي* البليغ رد علي جعل مثواك الجنه

__________________
علـق القَلب بـ الخالق وأجعل الحُب اﻷ‌عظم له
أما البشر فـَ غداً ربما تبغض من أحببت وتحب من أبغضت
فﻶ‌ تبالغ بـ مشاعرك وﻵ‌ تعلق قلبك بهم | ♥"