رد : ساعدوني ارجوكم
اختي.... و منو قال ان الطلاق سهل؟ و منو قال انج راح تنسين العشره الحلوه؟
انتي اصيله و لهالسبب راح تنسين الأيام السوده اللي عشتيها معاه و تتذكرين بس الأيام الحلوه...
طلاقج صار.. و الحين انتي بتوقفين على ريولج ان شاء الله تعالى... بعد فتره زمنيه اكيد... ممكن تاخذين حتى سنه كامله إلى ان تتعافين من الطلاق.. و لكنج في النهايه راح تعرفين الحقيقه كلها... و ان القرار اللي اتخذتيه علشانج انتي اولا و علشان عيالج ثانيا هو القرار الصحيح... إذا كان زوجج صحى الحين فهذه الصحوه جاءت متأخره وااااااااااااااااااااااااااااااااايد... جاءت بعد محاولات عديده منج و بعد بكائج المرير و بعد ما عطيته فرص واااااااااااااااااااااااااااااايده... فليش تزعلين على انسان ما قدرج اساسا؟؟؟ و لا عمل لزوجته و لا لعياله حساب؟؟؟ شو الفايده الحين؟؟ هو اللي اتخذ قرار الطلاق مب انتي... لأنه برفضه للعلاج و تهاونه في الأمر هو اللي دمر هذا الزواج...
اختي في الوقت اللي تقتنعين فيه بهذا الكلام... و تبدأين تتخذين خطوات لتقبل حياتج بعيدا عنه... وقتها بس راح تعيشين صح.. و راح تبدئين صفحه جديده في حياتج...
دوري على وظيفه تشغلج.. او حتى اشتغلي بالبيع على البلاكبيري... تطلبين ملابس من امريكا مثلا عبر المواقع و توصلج و تبيعينها... دوري لج شي تسوينه... و امج قلبها محروق عليج يا اختي...