رد : متزوج منذ 6 اشهر ولدي مشكله بسيطه(مستجدات في الرد 80)
اقتباس:
المشاركة الأصلية كتبت بواسطة بدران1977
والله اغلب كلام الاخوات ماهو مقنع مثل
1-شيل من بالك انها موظفه اوكي شيلو يار جال من بالكم انو زوجاتكم موظفات بس هل الزوجات يشيلو من بالهم انو ازواجهم موظفين وما يطالبو غير بنفقتهم الشرعيه يعني اشياء كماليه مافي
2-انتو في بداية حياتكم ولسا ما اطمنتلك و وثقت فيك هل يا ترى لو الرجل مشي بنفس المنطق في بداية الزواج اش راح ينقال عليه
3-حكاية اخويا اعطيه وزوجي لا هل لو عكسناها والزوج يعطي اختو وما يعطي زوجته(طبعا نفقتها الشرعيه موجوده)اش راح تقولو
انا اتمنى من جميع الاخوات الموظفات والغير موظفات يوحدو القياس مالو حق في راتبك ومالك حق في الكماليات
والله احنا عيلة وحدة والي ينقص من واحد الثاني يكملو
وفي حاجه ثانيه في كثير يقولو طيب مهو كان يصرف قبل لا اتوظف اشمعنا بعد ماتوظفت مسك يدو
طيب هنا المشكله فيك وهو مكان مقصر بلي يقدر عليه انتي الي بعد ماجاتك الفلوس بخلتي
وهيا اقسم بالله العظيم ماهي مسالة فلوس بس الواحد يبغى يحس انو اذا وقع في ضائقه زوجتو ما تبخل عليه بشي والله يمكن ما يرضا ياخذ منها
وبنسبه لكلام بعض الرجال بصراحه ماني عارف اش اقول ولا اسكت احسن
ويمكن من الكلام تفتكرو زوجتي موظفه لا ماهي موظفه بس بصراحه تستفزني المواضيع الي زي كذا
لهدرجه اغلب البنات يموتو في الفلوس لدرجة يوصلك احساس انها ممكن تحرقها ولا تعطي زوجها
وسامحوني اذا كلامي ماجا على هوى البعض او اقول الاغلب لانو الغالب في المنتدى من النساء
|
أحترم رأيك يا عزيزي..
لكني -والله- أرى أنّ الأمر بسيط وحله سهل..
وهو: أن يعف نفسه ويده عن مالها..
وإن احتاج شيئاً فلديه إخوانه الرجال وانتهى الأمر.