رد : اعتذار للجميع ....ارجو من الجميع الدخول
اخى الحبيب والعزيز ابو مريم
انى احبك فى الله
بارك الله فى عمرك
انت يا دوب بس تقوللى انا كنت كدة او كان بيحصل معى كدة برتاح مش عارف لية
يمكن عشان حاسس انى الوحيد فى العالم اللى بيتعامل المعاملة دى من خطيبتة او مراتة واهلها
.....
طيب بالنسبة لسؤالك لما بنخرج
كانت فى الاول بخجل لما احب انكجها تحد طرف ايدها حتى انى مكنتش بحس بوجود ايدها اصلا
حاليا ماشاء الله ولله الحمد
بمسك ايدها وانكجها واشبك كمان وبتبقى مرحبة ولله الحمد حتى ان ساعات امد ايدى بس
تعرف انى عايز اشبك ايدى فى ايدها تمد ايدها وتشبك وانا بصراحة ببقى مبسوط جدا من الحركة دى
بجد ماشاء الله ...
المهم
موضوع الانقطاع انا صراحة والدتى لما شافت اللى شافتة المرة اللى فاتت واول مرة تعرف ان خطيبتى بتقعد على بعد منى كدة واستغربت و قالتللى ربنا يكون فى عونك يا حبيبى امال كتب كتاب اية ؟؟؟؟!!!! :14:
قولت فى بالى امال لو تعرفى
ان ابنك
متبهدل البهدلة دى كلها كنتى عملتى اية
والدتى قالتللى انا هقلك كلمة واحدة بس خف حبة تزداد محبة
ونصائح الست الوالدة دى على الراس لازم تتحط
الاخت اللى بتقول انى مستعجل عالحب واكلام دة انا مش مستعجل عالحب
انا نفسى طريقة الكلام والاسلوب ما دام انها خجولة يبقى اسلوبها فى الكلام حلو متحسسنيش انها بتمثل الخجل والكسوف فى الامور الثانية وفى الكلام تبقى
...يا ستير يا رب ...
......
المهم انا مرتاح بجد فى البعد دة مريح دماغى من وجع الاعصاب شوية ومن قيل وقال وقالت وقلت
.....
مش هكدب عليكوا لما بقابل اصدقائى ويتكلم قدامى عن الخطوبة وخطيباتهم والكلام الحلو دة ببقى على اخرى
بس بعمل حالى انى مية مية ولا فى دماغى
.....