رد : باقي 4 شهور على زواجي وافكر بالانفصال
طيب واذا تعبان 3 ايام مايرد ?
ولما سكرتي التلفون واعتذرتي مثل مايعتذر اعتبرها قلة احترام وغيره من كلامك عن طريقته وأسلوبه
يعني هو يكبر المواضيع وردات فعلة اكبر من حجم الموضوع
وفيه نقطة لفتت انتباهي كيف باقي المهر ماعطاك اياة ؟؟؟؟؟؟؟ ويطلع لك أعذار ?
مافي شيء من اكبر الالتزامات علية اكثر من هالنقطة ومن اكثر الاولوليات
شوفي يعني ابيك تجاوبيني المبلغ اللي سجله عليكم في العقد نفس اللي استلمتية اولا ؟
اذا لا وقاعد يطلع لك أعذار انشاء الله يقول علي دين واسلاف انتي مهرك يوصلك كامل
اتمنى تجاوبيني على هالنقطة. لان (البعرة تدل على البعير )
أنا ترا تزوجت من زمان وتطلقت وتدرين وش السبب كان فيه خلل بسيط في نفسيتة بس مابان لي من البداية
وكنت مثلك في البداية قارصني قلبي بس مافي سبب قوي واضح يخليني أتراجع
ولمن تأكدت بعدين وتراجعت صار ثمن تراجعي هو أني رجعت لبيت اهلي مطلقة ماقدرت اكمل حياتي معاه !
ندمت أني مافكيت من البداية بس خلاص مافاد الندم
انتي روحي لاخصائي علاقات زوجية واحكي لي تفاصيل شخصيتة هذي حياتك واهم مشروع في حياتك لازم تستشيرين فيه لاتغلطين غلطتي
أنا لمن قلت للمستشار أني ماارتحت له مره وكملت زواجي
قال انتي غلطانه والحين دفعتي ثمن تجاهل وش كان قلبك يقول لك
روحي يااختي واستشيري عند مختص طيعيني علشان تتطمنين بس
لو تزوجتي وتوفقتي الحمد الله ولو بعدين لا سمح الله ضاقت فيك الدنيا بتقولين ليتني على الاقل استشرت مو غمضت عيوني وطبيت !
وربي يسهل أمرك