رد : بنتي تعبث بوجهي
اختي الكريمة ترى شئ طبيعي اللي تسويه بنتك اذكر ولد واحد من إخواني والله انها اول ماترضعه امه يمتحنها يجلس يحرك يده في رقبتها ولو نهرته وصاحت عليه يجلس يبكي بس لما افطمته من الرضاعة وصار ماعاد يرضع منها انتقل لشئ ثاني وهو كان ماينام إلا ولازم واحد من ثياب امه بجنبه يتوسده ويشمه ويتغطى فيه وينام ومستحيل ينام بدون ثوب امه بس يوم كبر الحمدالله ترك الموضوع هذا ونساه يعني انتي اصبري عليها باقي كم شهر ويحين وقت الفطام وتترك العادة هاذي وتنسى السالفة
بعدين ترى هم كذا الأطفال يحبوا يلفتوا النظر لهم بأي طريقة عندي بنت عمرها الحين ماشية بالسنة الخامسة لما تبكي وتبغى تلفت نظري لها او عندها شئ بتقوله وانا منهمكة اقرأ في شئ او اكتب في شئ وش تسوي تقوم تسحب مني الكتاب او القلم او الجوال اذا ماشافت اني رديت عليها تسبب لي ازعاج حتى اشوف وش عندها تسوي حركات علشان انتبه للي تبغى تقوله بعدين تهجد لو ماكلمتها وطنشتها وش تسوي تشيل الريموت وترفع صوت التلفزيون لآخر شئ علشان انتبه لها كمان لو انا جالسة اشاهد برنامج وطنشتها تغير القناة بالجهاز وتقول بشوف قناة براعم او تشيل اي شئ وتجلس تضرب في الباب بصوت عالي وملفت لنظر اخر شئ لو طنشتها لأن اسبابها تافهة بعض الأوقات تقول خلاص بصحي ابوي وتروح له وهو نايم وتصحيه عناد لي لوجيت اراضيها واصرفها خلاص ماعاد ترضى لازم ابوها يصحى ويدري بالسالفة وياليت عاد ابوها ينصفها يفتح عين لها ويقول لها خلاص انا اصحى واتفاهم معاهم بعدين اللي زعلوك خلاص تقتنع بكلامه وترضى وتطلع من عنده يعني تختلق اي مشكلة علشان انا انتبه لها واشوف وش عندها وإلا تروح تقول لأبوها او نتصل لها عليه لو كان برى البيت تجلس تنتظره عند الباب حتى يرجع وتقول له بالسالفة وياليت ينصفها يضحك عليها بكلمتين وهي تصدقه خلاص اما انا اطفش منها واطنشها قبل فترة كانت لو صارت بينها وبين اخوانها مشكلة كانت تبكي واراضيها بس ماترضى بسهولة صرت اطنشها وش كانت تسوي كانت تبكي وتكح الين تستفرغ بالبداية كنت اخاف عليها وشفت البنت تعودت على السالفة هاذي رجعت طنشتها وكانت لما تبكي وتبتدي تكح اقول لها خلاص تبغين تستفرغين عندك دورة المياه وانتم بكرامه شوفيها قدامك روحي واطنشها ما اظهر لها خوفي عليها وقلقي واني مهتمه فيها تجلس تصيح اه بطني عندي طراش اه امي امي وانا مطنشتها لما شافت مافيه امل اني اخاف عليها او اهتم فيها مثل قبل خلاص تركت هالأسلوب وتغيرت وصارت ماعد تسوي كذا بس مطفشتني بحركات لفت النظر لو عندها سالفة بتقولها او تسألك عن شئ وما تعطيها اجابة ترضيها او احد من اخوانها تكلم عليها او استفزها بشئ تلاقيها تقوم قيامتها وما تريحني تزعجني حتى اشوف طلباتها وبعدين ترضى حضرتها
الأطفال وهم صغار يبغون صبر وحزم في بعض الأمور والله يعيننا عليهم وعلى دلعهم وحركاتهم.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله