كل شي تحس فيه انها معجبه بشخص و ما الى ذلك مجرد وساوس شيطان...

تصرفك مع امها غلط و مليون غلط..

و لكن لي عتب كبييييييييييييييييير على اهلها... المفروض امها او حتى اختها يفهمونها انها لازم تتصل على زوجها تعيد عليه او على الأقل تنتظر اتصاله...

اخوي مع احترامي لكل ما كتب سابقا من الأخوه و الأخوات.. اظن الوقت حان انك تقعد معها قعده و تتكلم معها بكل اريحيه عن اللي مخوفها من موضوع الزواج و استمع لها للآخر... و بعدها تكلم انت و بكل اريحيه... روحوا مكان لوحدكم انتو الإثنين... يكون مريح جدا... إذا حسيت من كلامها انها ما تبي تكمل الزواج...خلاص تحترم قرارها و الى هنا و خلاص... محاولات شهور طويله و ما في اي استجابه من الطرف الآخر و لو بسيطه شي متعب و مرهق جدا... و كون اهلها واقفين في صفها دوم و ما يوضحون لبنتهم اخطائها امر غير مريح ايضا... إذا كلامها اوحى ان خلاص هي تبي الطلاق و لكن متردده... تقدر تعطيها فتره زمنيه معينه تفكر فيه و تطلب منها ان الكلام ما يوصل لأهلها علشان ما في اي شخص يأثر عليها (إذا هم ما عرفوا ينصحونها قبل فنصائحهم في موضوع الطلاق مالها داعي)... و إذا عرفوا اهلها خلك ماسك اعصابك و لا تتكلم معاهم بالموضوع و لا تاخذ و تعطي فيه ابدا... خل القرار يجي منها... طلبت الطلاق.. وايد حلو... يرجعون المهر و كل واحد يروح في طريقه... طلبت انها تستمر... تعاهدك انها تتغير و تتثقف في دورها كزوجه... و موعد الزواج شو اللي يناسبكم انتو الإثنين.. إذا انت تقدر تصبر على التأجيل او ما تقدر.. تتفقون عليه...

واضح انها للحين ما تعرف تتصرف و لا تعرف تتكلم و الدليل ردودها في المكالمتين...

اي تواصل بينكم انت حر إذا حاب تستمر بمحاولاتك او توقفها... و لكن لابد من جلسه جاده بينكم انتو وحدكم فقط... بدون تدخل الأهل..

الله يكتب لك و لها الخير..