يا اخي البنت مستحمله كلامك او مزحك على قولتك! لأنها تحبك مو لانه كلامك عادي ..
شكلها كانت تصبر نفسها وتقول بكرا يحس ويتغير لكن شافت ما فيه فائده ..
ولأنها ما حطت حد للموضوع من اول يوم سمعت الكلمات منك فصار صعب تقولك بعد كل هالوقت ..
وليش ما قالت لك من اول يوم.؟؟ لانها بعدها تستحي منك..
لما ما عرفت كيف تفتح معاك الموضوع .. طنشتك عشان تسالها شو الموضوع وتقول لك ..
وبدل ما تتفهم انت ضحكت وقلت لها شيء عادي .. ( يعني ما راح اغير طريقتي ؟؟ ) وعادي هذه طريقتي مع الكل ( يعني انتي ما تفرقين عنهم بشيء؟؟؟ )
لما شافت ما فيه فايده قالت اجرب معاه نفس طريقته عشان اخليه يحس ..
طيب ليش زعلت الحين؟ ليش هي ما يحق لها تزعل لكن انت يحق لك؟؟
انت تسأل هل البنات يزعلون من هالكلمات .. يا اخي انت شو عليك من الناس ..
لازم تسأل خطيبتك هالسؤال .. اذا هي تزعل خلاص لا تستخدمها معاها ..
بصراحه اهم شيء في اي علاقه وخاصة الزواج هو الاحترام ..
تدري.. ايام الملكه ما عمري سمعت كلمه مو محترمه او مزح مو محترم من زوجي.. حتى لما يعصب يتحكم في الفاظه ويراعي الكلمات اللي تطلع منه .. حتى لو يكلم غيري امامي .. وما يسب او يقلل ادبه ..
وحتى الان بعد الزواج يراعي هالشيء .. وانا ادري انه يتحكم في نفسه و غضبه عشانه يحترمني ويسوي حساب لوجودي .. والا لو اني مو معاه ممكن تطلع منه كلمات ..
بصراحه كبر في عيني كثييير واحترمه كثير كثير لانه هالموضوع مهم بالنسبه لي ..
يهمني انه يعاملني كزوجته و حبيبته .. مو يعاملني مثل صاحبه ..!
وبعدين الله يهديك.. النساء ناقصات عقل .. اقرا الحديث و معناه
وبتشوف انك فاهم غلط .. والحديث بعيد كل البعد عن المزح ..
انا انصحك ما تعطي مجال للشيطان انه يدخل بينكم ..
ولا تطنشها ولا شيء ..
تكلموا وتصالحوا واعتذروا لبعض .. واتفقوا على مبدأ الاحترام ..
والله يوفقكم ويديم المحبه ويبعد عنكم كل سوء ..