ناادراا ماأرى وفي الغالب انسى الروؤيا

الا في مره رؤيا ارهقتني وكانت مخيفه جدا واصريت اني افسرها
كانت انا مسافرين مكه انا وامي واختي اللي اصغر مني مع ابوي مع العلم ان ابوي له زوجه قبل امي وابناء وحنا دايم في خلاف معاهم عاد اذكر انا مسافرين بالسر عشان زوجه ابوي واولاده لايصلحون لنا مشاكل بعد كذا وصلنا مكه ومشينا مسافه طويله لين وصلنا الحرم كان الهدف من ابوي انا نضيع اخواني لان ابوي قال اخاف يكشفون امرنا واذكر من كثر ماتعبت قلت بنستاجر تاكسي انا واختي ووافق ابوي وقفت تاكسي انا واختي وكان المكان يخوف اللي وقفنا فيه قال صاحب التاكسي لازم ناخذ اسمكم ورقم الجوال ومقر الاقامه وتفاصيل وكتبناها بورقه ونزلنا وراح حق التاكسي وارسل ع ايميل اخوي انا في مكه وبلغه بعدها اعتمرنا ورحنا للشقه نرتاح جاء اخوي وطق الباب وشفته وسمعت صوته ورفضت افتحه وبالاخير فتحت ودخل وصار يضربني بقوه وانا اخذنا ابوي منهم وكنت احاول ادافع بس ماقدرت عليه في ذيك اللحظه ذكرت اني كنت اكوي ملابس واجري لغرفه الملابس واخذ المكوى واحرقه بقووه ع وجهه اذكر نص وجهه احترق صار اسود ويطيح لحمه...

فسرته قال الشيخ كيف علاقتك فيه قلت سيئه سلام نادراا واتهمه انا في سرقه ذهبي يوم زواجي قال ع الارجح ممكن يكون هو لكنه يحمل الكثير في صدره من الحقد والغيره منك ويراقبك ويضمر لك الشر في داخله تجنبيه ولايدخل بيتك ابدااا وراح تحدث له مصيبه وينكشف امر يخبيه وانتي من يكون سبب في كشف امره...

ولين الحين ماصار شي انا ماادخله بيتي ولااعرف رقمه واذا شفته عند اهلي يحاول يتقرب مني وانا خايفه منه ..

زي ماقلت بالبدايه نادراا مااشوف رؤيا بس دايما اغلب اللي حولي يشوفوني برؤيا انفع اخذ دور في احلامهم دايم وكلهم يفسرونها

صديقه امي شافتني اصعد جبل صعب وطويل وقالت لاتصعدين وان فيه ذيب حول الجبل وماسمعت كلامها وصعدت لين القمه واختفيت وخافت ولحقتني تدور علي ولقتني نزلت بالجهة الثانيه في مكان اخضر وجميل جداا

فسرتها قال الشيخ هالبنت اغلب امورها صعبه وتحفها المخاطر وتقاوم كثير وتنجح اللهم لك الحمد

ايه صح ذكرت رؤيا شفتها وانا عبرتها من نفسي

زوجه ولد زوجي كان عندها بنت وحامل وكانت عندها شغاله حبشيه ماهي حلوه ابداا وكانت تكرهها خلتها شهر ومشتها وقدمت ع شغاله سيلانيه

انا رأيت اني سمعت ان شغالتها السيلانيه جت وانها زعلانه وتبكي مره جيتها قلت احمدي ربك شوفي انا ماعندي شغاله ليش ماتبينها قالت تشبه .... الحبشيه وانا مابيها وتصيح بقوه

فسرتها انها حامل ببنت لانها كانت مره تتمنى ولد قلت يمكن بكاها لانها ماتبي بنت

فعلا جابت بنت وعقبها جتها شغاله سيلانيه وتهاوشت معها وباعتها مااحب افسر بنفسي بس احيان الاقي نفسي كذا اتصور الموضوع ويصدف انه صح


لو ذكرت شي برجع احب الرؤى وتفسيرها