اخي اليوم وانا اعمل عشا لزوجي واعتبره اسهل عشا ممكن اسويه وممكن انته تسويه كمان هو برقر وبطاطس مقلي اتذكر في بداية زواجنا كنت اقول لزوجي مستتحيييل اقشر بطاطس جيب البطاطس اللي جاهزه للقلي وكنت ابغي اجبره على هالشي وهو كان يرفض يقول اللي احنا نقشرها طعمها احلى ويحاول فيه ويحاول يقنعني بشتى الطرق شفت قدايش كان عقلي صغييييير كان عمري وقتها 20 سنه واتفقنا على حل وسط هو يقشر البطاطس ويقطعها وانا اقليها تعتقد ان زوجي لازال لليوم يقشرها مستحيييل كبرت وكبر عقلي وعرفت ان زوجي معاه حق
مثال ثاني من حياتي اول ماتزوجت كنت حاطه في بالي من حياة ناس حواليني انه لازم مااسمع كلام زوجي بكل شي ولازم اقوي شخصيتي وارفع صوتي لان الرجل اذا حس بضعف البنت رح يكسرها ويسيطر عليها يوم ورا يوم ورا يوم ماصرت محتاجه ارفع صوتي لاني عرفت ان زوجي مايهزه الصوت العالي اولا ولا يجيب نتيجه ثانيا عرفت انه حياتي ماتحتاج صوت عالي لاني يوم صرت اتودد له واحن عليه يلبي طلباتي ومايقصر علي يعني علمني بطريقه انه لما تصيري عاقله وطيبه رح انفذ كل طلباتك