كريستالا،، رح أحكيلك شي لترتاحي
أنا عندي توأم ثلاثي،،
وحدة منهن هي اللي بتلقط كلشي ما شاء الله عليها
الثانية بتلقط بس مش مثلها
والثالثة ولا كإنك بتحكي معها
وحدة بس بتحفظ أسامي الحيوانات وصورهم والثنتين لأ
وحدة بس حافظة حروف انجليزية وكلمات انجليزية والباقي لأ
هدول توأم وهيك،، وعم بتعامل معهم نفس المعاملة،، وعم بحكي معهن نفس الحكي ونفس الشي بيشوفوه!
فكيف اللي كل ولد اتربى ببيئة
وع فكرة ابنك لو ما حكى شي،، بيكون بيخزن بعقله،، فما تخافي عليه،، المهم إنتي تخزني بمخه معلومات
وما تخافي،، مش الشطارة إنه إبنك يحكي إنجلش،، أو يحكي لغات،، بالعكس حكالي دكتوري بالجامعة إنه لازم نركز الآن بهاد العمر على اللغة العربية،،
رح أحكيلك أنا شو كنت أعمل،، من ساعة ما كنت حامل،، كنت غني أغنية الحروف بالانجليزي،، ومن ساعة ما انولدوا وأنا عم غنيلهم غنية الحروف،، ومن لما كانوا يمكن 6 شهور جبتلهم بطاقات حروف الانجليزي مع صور،، لغاية عمر السنة لما استشرت أستاذي بالجامعة وحكالي إنه وقف الإنجلش علشان ما يأثر على لغتهم الأم،، وركز ع العربي
أنا ما بطلع من البيت ودايما معاهم وما بعمل شي في الدنيا غيرهم
وما تقارني أو تهتمي بالمقارنات لانك رح تتعبي
كل طفل بيختلف وعندك مثال طفلاتي