رد : بنتي الصغيرة وما تعانيه
اقتباس:
المشاركة الأصلية كتبت بواسطة توفي وفيصل
ممكن تسالين اخوانها اذا هم يقولون قدامها قصص اشباح ولا لا ..
لا لا مستحيل اصلن اولادي يتكلمون في مثل هالأشياء والحمدالله مايتابعون افلام الرعب والخوف ولأني اعرف اثرها على الشخص وبالذات الصغار والمراهقين
ممكن تركزين عليها هالفتره .. وتنبهين اخوانها لها شوي.. خاصه الكبار ..
اكيد والله ياتوفي انها من ضمن اهتمام اهل البيت كلهم يخافون عليها ويراعونها لاكن مثلك تخبرين عندها اخت اكبر منها انا ما ابغى احسس الكبيرة اني افضل اختها عليها لأن الفارق بينهم سنة واحب اشوفهم سوى مبسوطين وفرحانين ويلعبون مع بعض بس تخبرين الغيرة بين البنات الأخوات ماراح تنتهي الا لما يكبرون ويعقلون وبعضهم تستمر غيرتهم من بعض حتى وهم كبار ومتزوجات وعندهم عيال خصوصا لو كانوا اهاليهم يكيلون بمكيالين بين الثنتين واحب اعامل اولادي وبناتي سواسية علشان ما اجرح احساس او شعور اي احد فيهم
ولا تجيبين طاري انتي ليه خايفه .. قولي قدامهم اصلا هي مو خايفه .. بس هي تبي تنتبه لي .. لانها مثلا تحبني .. ولا تبغاكم تروحون وتخلوني ..
بالبداية كنت اقول لهم كذا وبكل اسف ماتنبهت لهذا الشئ إلامتأخر انه راح يترك عليها اثر سلبي والحمدالله تلافيت الوضع وصرت اقول لهم هي متمسكة فيني علشان انها تحبني وتبغى تساعدني وانتم كلكم تروحون للمدرسة وهي تطبخ معاي الغداء وتنظف وترتب البيت واليوم تعبت كثير وهي تشتغل معاي هي تنبسط وترتاح لما تسمعني احكي عنها كذا
انتبهي اختي تكسرين شخصيتها قدام اخوانها ..
اهم يدرون انها خايفه .. بس هي لازم تحس انها شي مهم .. وقوي ثقتها بنفسها ..
الحمدالله ان شاء الله اني بمشي على الطريق واعزز ثقتها بنفسها دائما اقول لها انتي قوية وشاطرة ومبدعة حتى لو خربشت بالقلم في الورقة تجي توريني اياها انا امدحها واثني عليها واقول لها شطورة امورة لو كبرتي بتصيرين ابلة وهي تفرح وتنبسط بالكلام
لما تكوني بتروحين تحت .. قولي لها سر باذنها ومو قدام اخوانها .. انا بروح تحت شوي وجايه .. تجين معي تساااعديني .. انا ابيك تساعديني لو سمحتي ممكن ..
كلام وفكرة حلوة الله يجزاك خير ياتوفي ويبارك فيك ويحفظ لك اولادك ويقر عينك فيهم ببرهم وصلاحهم يارب
ا
ممممم .. هذا الي بخاطري الحين .. اي فكره بتجي ببالي بجي اكتبها هنا ..
|
الله يسلمك يارب ويبارك في عمرك يارب وشاكرة لك مشاركتك ولا تنسين ارجعي لنا بالمفيد انا في انتظارك ودمتي لنا بود .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله