رد : هل هذه هي الطريقة الوحيده لكي نتزوج ؟!
اقتباس:
المشاركة الأصلية كتبت بواسطة لكل شي حد
عاد الحين صدق بصدمج 
انا صكيت الثلاثين... بس ما بقول كم بالضبط... 
ما علينا...
بالنسبه لي إذا جا الشخص المناسب فحياه الله... و إذا ما جا فتراني عايشه حياتي بالطول و العرض... لا هم و لا غم و لا زوج ما يعجبه العجب و لا عيال يطلعون لي قرون...
و إذا على اليهال... عندي عيال أخواني و خواتي و صديقاتي... بطلع كل العاطفه معاهم 
يعني ما عندي استعداد ازعج نفسي بالتفكير...
تصدقين و انا اقرا كلامي اللي يالسه اكتبه اقول لعمري الحين... يا ربي صدق انا بايعه الموضوع  |
والله ياخيتي ...انا نفسي اوصل لطريقة تفكيرك ماشاء الله .....
لكن تعبت ...
طول اليوم افكر بالموضوع ...لدرجة اني افكر اقطع اجازتي وارجع للعمل ..على الاقل انشغل بمشاكله وانسى ..
مع اني ارهق نفسي بالعمل ...بس تجي لحظات مااعرف كيف اوصفها ...
نفسي احد يكلمني يواسيني بكلمتين ...نفسي ابكي بحضن احد ..نفسي اكون زي زميلات العمل ..اقول لهم بطلع بدري زوجي عازمني نتغدا برا ..
والا الاسبوع الجاي بولد ,غصبن عليكم تعطوني اجازة ...الله ,شعور مره حلو ..
ساعات اروح اتمشى في السوق واشوف ملابس المواليد واحضنها ...اتمنى يصير عندي بيبي حلو اشتري له والاعبه..
حاجات بشرية , طبيعة انسانية , فطرة ...قد تكون تفسيرات للشي اللي احتاجه ...
يمكن يجي يوم وانسى ..او اتزوج واعيش حياتي ...
يالله عطيني الخلطة السرية ..كيف انسى ؟؟؟
شاااكرة ردك حبيبتي ..
__________________
(دعواتكم لي)
أن أجد حب حياتي بين الأحياء..!!