السلام عليكم ورحمة الله وبركاته
اشكركم على هالمنتدى والمعلومات المفيدة والاستشارات اللي تحطونها
انا ملكت قبل اسبوعين
وزرتها مرتين يالله تطلع كلمتين منها
صرت اكلمها بالجوال واول شي ممكن نقعد خمس دقايق عالخط ساكتين
بعدين شوي شوي تطورت
الحين صارت كل ماسالتها شي تقول ما ادري او بكيفك او ما اعرف او اذا سالتها شسويتو تقول ولا شي
انا خلصت السوالف اللي عندي كلها
صرت اكلمها عالبي بي
ترد علي بس كلمة ورد غطاها
حتى اني اسالها كيف حالك تقول طيبه
ما تسالني عني
مستحيل تبدا معي محادثة
واذا سالتها بالتلفون عن مثلاً وش رايك وين نسافر
تقول بكيفك
لو قلت لها بنروح الخرخير بتقول بكيفك
صرت ارسل لها رسائل اتغزل فيها وماترد
ماقد ارسلت رسالة لي الا مره (انها تدعي لي )
الصراحة صرت اتثاقل مكالمة التلفون
لاني ما ادري ايش اقول ؟ يعني جربت اسكت خمس دقايق وجلست ساكته ماعندها مشكلة
لو سالتها عن دراستها تقول لي جواب بس
لما اقول لها بالبي بي كلام زين
تقول لو سمحت بدون احراج
بلغت اختي وبلغت اختها تبلغها
جتني تقول انا عندي خجل فاتحملني
احاول افتح مواضيع كثيييرة لكن مافي فايدة
وش الحل ؟
وشلون اتغزل فيها بالتلفون
ما ادري وش اقولها
يعني لو قلت لها احبك ولا ياحبيبي اخاف تقول توك بدري عالحب
كم مره مناسب اني اكلمها ؟ كل يوم ؟ يومين؟ اسبوع؟
متى اطلق لها كلمة الحب؟
كم الفترة اللي مفروض ازورها ؟ باقي على زواجنا شهر
هل كل اسبوع او اسبوعين ؟ خاصة انها من اهل الجبيل وانا من الرياض
المشكلة اني كلامي عسل مع كل الناس بس معها ما يرضى يطلع
موضوع اخر وهو انها ما تشوف افلام ومسلسلات وتحسبني اني ما اشوف افلام ومسلسلات خاصة ان اخواني ملتزمين فممكن انها تتوقعني مثل اخواني وانا شخص محافظ على ديني لكني مقصر في بعض النواحي وقد قال لي واحد ان بعض البنات ممكن تطلب الطلاق بسبب هالموضوع وانا ما ابي هالموضوع
فايش رايكم ؟
اسف جداً عالاطالة والتشتت في الكتابة ولكن هذي كتابة ما قبل النوم من الايفون
الله وكيلك
لكم اطيب التحايا