اقتباس:
المشاركة الأصلية كتبت بواسطة قلوب حائرة
اختي لكل شي حد انا كتبت كل شي بحس فيه بردي الاخير وما توصلت منكم برد احس منو انكم فهمتوني
كل كلامكم لي عتاب ولوم وانتقاد
ابدا و الله مب قصدي اعاتبج بس اشتطيت شوي من القهر
انا ما اقول اني معي حق بس ابي اقتنع اكثر بكلامكم وما عاد احس بالاقتناع الداخلي في كل مرة اختلف فيها مع زوجي
دالك الصوت اللي يقولي الحق معك وزوجي يظهر لي في صورة المستغز
هالصوت اللي احنا ناويين يسكته لأن الشياطين عندج مسويه جلسات سمر مستمره و نبيها تروح خلاص نقول لها باي باي حفلات السمر رااااااااااااااااحت و انتهت.. نقول لهم... لك حلو عنا خلاص... فهمتي يا حلوه
انا ايه المنكر اللي سويتو عشان يتصرف هيك
ضرابه ورى ضرابه... مل الرجل و تعب من الحياه.. و ما الومه يا حلوه.. شوفي كيف انتي متضايقه و تعبانه من الوضع... هو نفسج بالضبط...
انا عصبت عليه بسببو هو بدل ما يحتويني ويتفهمني هو قام يزعل
يا سلام... رجعنا لإلقاء اللوم عليه... الحين تبينه كل مره تعصبين فيها يحتويج!!! قلوب.. انتي تعصبين و تزعلين كل كم يوم... الرجل يتأثر في البدايه بزعل زوجته و يحاول يراضيها... بس مع تكرار الشي تصير عنده مناعه... نفس الجسم يوم تعطينه التطعيم.. نفس الشي... خلاص.. صارت عنده مناعه و زعلج و تعصبيج صار واحد... لأنه يتكرر واااااااااااااااااااااااايد وااااااااااااااااااااااااااااااااااايد... و هالشي بيأثر على علاقتكم يا قلوب...
وبلييز ابي تعاليقكم |
الحين اقري تعليقي...
اختي قلوب...
تعرفين وين المشكله.. انج للحين مب مقتنعه بانج غلطتي... ترجعين تعقين اللوم عليه...
لو هو ما سوا كنت انا ما سويت., لو هو ما ناظر كنت انا ما قلت.. و لو و لو و لو... هاللو اللي في عقلج يبي لها نفي من العقل و نقول لها اطلعي برع...
تحيدين يوم قلت لج ركزي في كلام عاشق الجواهر... في امور نعاتب.. في امور نعطي نظره حزن.. و في امور نصعد فيها المواقف...
انتي ما تفرقين بين كل الأمور..
و مثل ما قالت لمني بشوق... هل انتي متأكده من النيه السيئه لزوجج؟ جوابج يقول لا لأنه ما تقدرين تدخلين في نواياه و ما في اي حركه تدل على نيته السيئه... بالنسبه لي على الأقل..
انتي تصعدين الأمور في كل المواقف... و هالشي ما يصير... لازم تتعلمين انج تفرقين..
تعرفين يا قلوب... حل مشكلتج سهل وااايد.. و الله انه سهل... اجاباتج على اسئلتي وضحت شكثر انتي وحيده في هالدوله... و نرجع لنفس الموضوع... المحور اللي مركزه عليه هو زوجج.. ابيج تكون عندج نشاطات... تكونين صداقات... دام انه ما يمانع طلعاتج مع البنات فليش ما تكون لج صداقات تقضين فيها وقتج...
عالمج الحين فيه زوجج و بس.. انا ابي عالمج يكون مقسم لثلاث:
1- عالمج الخاص
2- عالم زوجج
3-عالم الصديقات و الحياه الإجتماعيه
1-عالمج الخاص:
في هالعالم يكون كل شي محوره انتي.. انتي وبس.. تدلعين نفسج.. تشوفين فلم حلو تضحكين عليه لوحدج.. تكشخين لنفسج... الهوايات... السبا في البيت مثل ما علمتج... تقرين كتاب... تسوين اكله انتي تحبينها.. تحطين ماسكات على وجهج و جسمج.. يعني تدليل لذاتج و روحج فقط.... شي لج انتي و بس... شي تستانسين فيه بروحج فقط...
2- عالم الزوج:
هني تقومين بواجباتج مع زوجج و افكار اختي لمني بشوق وااايد حلوه... ابدئيها بالتدريج... علشان إذا زعلتوا يفتقد ذيج الأيام.. (اقول لج على شغله.. اليوم ابيج تعطرين مخدته بشكل خفيييييييييييييييييييييييييييييييييييييييف جدا من العطر اللي هو يحب يشمه عليج... خلينا نلعب في اعصابه شوي... و يا وييييييييييييلج يا سوااااااااااااااااااد ليلج لو طلبج و رفضتيه... عطيه بدلع و لكن شوي تمنع خفيف اونج يعني زعلانه...)
3- عالم الصديقات و الحياه الإجتماعيه:
زيارات لصديقات.. طبعا اول شي تتعرفين عليهم علشان بعدين تتزاورون... تطلعون مع بعض للتسوق... تروحون اماكن ترفيه مع بعض.. يعني عالم تعيشين فيه جو اجتماعي يبعدج عن الوحده اللي تحسينها...
أهم شي يا حلوه... انج توازنين بين العوالم الثلاث... يعني ولا عالم يطغى على عالم ثاني....
يمكن حد يتساءل.... ليش خليت عالمج الخاص قبل عالم الزوج... لأن في الوقت اللي انتي ترتاحين فيه نفسيا و جسديا... بتقدرين تعطين زوجج كل حقوقه و تأدينها و انتي مرتاحه..
اتمنى لج التوفيق اختي..
و سامحيني اذا قسيت عليج في اي شي.. اعتبرج اخت لي ابي لها الخير...