حز بخاطري تصرفك مع زوجتك ورحمتها ...
امك على العين والراس وبعد زوجتك المفروض على العين والراس...

ياخي بعض الاحيان تهاوشني امي ويكون زوجي جاي ياخذني من بيت اهلي اكلمه عن امي من باب الفضفضه فقط بس لاجل يخفف عني بكلامه والا مارضى ابدا ابدا يتكلم عن امي بسوء

فروجتك مكالمتها لك فضفضه مو علشان تشيشك عليها او تنتقم منها ..

فجميل منك ان تضع لوالدتك خط احمر بس .. بس مو معناته تاطى على زوجتك

تدري لو بتكون والدة زوجي مهاوشتني ولاعنتن خيري وابكي من تصرفها وبعدها يجي زوجي يتصرف زي تصرفك ويكمل هواش ويضيق صدري وينكد علي زود على النكد اللي انا فيه
وبعدين يتامر ويبغاني ابوس راس امه ، ماسويته لو يحب السماء والارض

يجي يخاطبني باسلوب سنع ، بابوسها على راسها ورجولها وان كانت المخطيه علي...

بس اقول زوجتك محترمه وانسانه متربيه وخلوقه ...
عزز سلوكها الحسن وشجعها بهديه او طلعه ...
ولو اني متاكده انها حازه بخاطرها منك..