رد : ضربت زوجتي لان أخي رآها بالقصير
اخوي اقرى جملتك هذي
"المهم قلت لها ان تلبس ملابس الصلاة قبل ذهابها للمطبخ لانها ستمر من الحوش رفضت على اساس من سيراها ومن هذا القبيل مع شوية دلع وافقتها"
يعني هي طلعت برضاااااااااك التام.... فاللوم يقع عليك بعد يعني مثل ما ضربتها ابيك تسمح لها تظربك لان بسببك انت بعد و بسبب موافقتك و عدم اصرارك على انها تلبس شي ساتر... اخوك شافها...
بصراحه قهرتني ردة فعلك وااااايد و الحجه الجاهزه "انا غيووور مووووت" و الحجه الثانيه "هي ما لبست لبس الصلاه"" متناسي انك واااافقت على الخروووج... يعني انت قريت نص جملتك و وقفت.... مثل الل يقول "لا تقربوا الصلاه" و يطنش باقي الايه الكريمه...
يعني فوق ما هي انحرجت و انحطت في موقف بايخ... تقوم انت تضربها في نفس اللحظه!!!!! بصرااااحه وااااايد تقهر.... و لها حق تزعل عليك بسبب الضرب....
المفروووض ت اضيها و تقول لها انك ما استوعبت اللي صار.... لانها هي معاهااااا حق تزعل عليك مب تجلبها عليها و تلبسها الغلط و انت مشاركها فيه....
وتحدث في احسن العوائل تراها...
ياما دخلت على اخواني المجلس و ربعهم موجودين.... و الله اخوي ما ينطق بحرف بعدها لانه يعرف اني مب داخله عمدا.... صحيح موقفها اصعب لانها بلبس النوم بس هذا ما يعني انك تفقد عقلك و تضربها!!!!!