روح انا وصلت لردك تبع منخار قد الفستقة و شفايف قد الحبحبة

وتنرفزت .. ماكملت بقية الردود

من جدك الحين بتصدقي هذه المخبولة عسى يعضها حنش سبعة متر بنخارها يكبره
و عقرب بشفايف عشان يفسهم

وربي حرقتيني انتي اكثر منها الي مصدقتها

وشو شال العباية و بعدها و يعد الي تحت العباية عشان يعض !!!
وين عايشين انتو بلاس فيجاس ؟؟؟
ماعاد بيعمل حساب للناس القاعدين ؟؟؟

بالله هذي حركات تنعمل وسط الناس حتى لو كان اوسخ الناس و غرضه الفراش؟؟؟

البنت كذابة كذابة و خسيسة و تافهة و احقر من الحقارة نفسها

لو بنت اول مرة على قولتها وضحك عليها المسكينة البرئية
كانها مستحيييية من الي صار و بلعت لسانها و حمدت ربها انه ماحصل فضايح
وانك انتي الي ماجبتي لها الهيئة
وكسرت رقمها و نست الموضوع

لكن البنت عارفها تلعبها صح و باين عليها تعرررف كيف تجيب اجدعها شنب
تلعب براحتها و الي تخاف منه تبلغ به الهيئة و تطلع هي منها ..

المهم يكفي كلام عنها ام ديانا هذه .. اصلا قولي لها ديانا خشمها مو صغير

و انسي كلامها لانه كلها غللللللللللللط
وكذب و افتراء .. و تضييعك و توهك لانها عارفتك مو مركزة


وبهذا الموقف بصراحة اصدق زوجك .. و نتي ادرى به لما يصدق
ولما يكذب..


ثانيا .. تدري اشوفك الان احسن حالا من اول

باقولك ليش
اول كنتي تحت تاثير الصدمة .. ساكته و تتصرفي تصرفات مادري كيف
ورجعتي تعامليه ملك و مادري ايش (كنتي مش مستوعبة))
كنتي زي المغيبة عن الوعي و مانتي مصدقة الي حاصل

المفترض بالعادة الواحد يثور و يمر بمرحلة تساولات و بعدها يوصل لقرار
انتي جيتي بالعكس
ووصلتي لقرار الاسستمرار معاه بسرعة... وبعدين عقلك استنكر
لانك مافكرتي

بس
الان طلعت شخصية روووح و بدأت تثوووور و تنسى لوم نفسها
و تتعامل صح (بالتنطيش و العقاب النفسي له بالسكووت و الصمت)

اذا ماطلعتي كل الي بنفسك من غضب ماراح تقدري تسامحي و تنسي..

لذا انا مقتنعة باننا قربنا للحل باذن الله (والحل الي اقصد فيه الراحة النفسية لك انتي)

المرحلة الجاية بتلاقي نفسك اكثر هدوء و تحكم و عارفة كيف تمشي امورك صح
وبتوصلي لقرار الاستمرار بعد عناية و دراسة و بتكوني مقتنعة فيه ..

صدقيني انتي مو بححاجة اي منا و لا اي رد هنا
لانك ماشاء الله عارفة زوجك و عارفة مداخله و حافظاه و عارفة كيف تعامليه
فقط كنتي بمرحلة لخبطة

والان بتبدي ترجعي لطبيعتك (زي الحالة الي جات لك بعد وفاة الوالدة على طول)


اذا بنصحك
بنصحك ... تطنشي البنت هالفترة و بعدين تحرقيها بمسج انك رجعتي لزوجك و انه معيشك بعسل
امانة عليك تحرقي قلبها بمسج .. لاني محروووقة منها

وبعدها تصكيها بلوك و تطنشيها و اي كلام يوصلك منها لا تصدقي لانها بتزيد العيار
اذا ما سمعتي كلامها الان بعد العضعضة بترجع ترسلك و تقولك سحبني لغرفة النوم و سوى بي
وانا كنت رافضة بس ايش اسوي .. بس عشان تخرقك اكثر
خوفي بالنهاية تقولك اصلا متزوجني مسيار بس مو حابة اتعبك

المهم بعدها روحي عمرة و فضفضي لرب العباد

**استمري على اسلوب الرسمية معاه فترة لغاية ماتلمسي منه تغيير واضح
**واهم شي موضوع الدراسة .. احس زوجك لو توسعت مداركه بالدراسة بيتحسن كا شخص
فكري بالابتعاث ..ولا تقولي مستحيل اخذه معي .. مانتي اخذتيه من قبل و شفتي انه كان
مخلص معاك ... وبصراحة مادري ليه احس الاوروبيات هنا ماينخاف منهم
**لا تنسي الدعاء و الصدقة و كلنا بندعي لك اكيد


ربي يريح قلبك حبيبتي و يكتب لك الخير وين ماكان

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله