الحمد لله حبيبتي

روح حبيبتي ركزي على نفسك هالفترة ... انسي زوجك شوي .. لا تفكري كيف أعامله ولا كيف أسوي معاه .. خلي الأمور من هذي الناحية تمشي لحالها .

المهم الان هو روح الطير ... كيف راح تنام روح ؟؟ متى راح تاكل روح ؟ متى بتلعب روح مع الأولاد ؟؟ ناوية روح تزور صديقتها أو تكلمها متى ؟؟

فكري بروح وبس ..

نظمي نومك ونظمي أكلك وارتاحي ..
روحي صالون واعتني بنفسك عشان نفسيتك.. بتحسي بتحسن
خذي عيالك واطلعي مكان حلو . بحر . حديقة
حطي لنفسك ورد قرءاني يومي قبل النوم التزمي فيه وورد دعاء صباحي يحفظك انتِ وعيالك
كل ما شعرتي برجعة الوسوسة ارجعي لسورة البقرة وللاستغفار والدعاء

ايش كل هالحسابات ؟؟؟ !!! أتوقع انك خططتي وحسبتي يوم أمس بمقدار اللي خططته أنا بعمري كله
حقك ترتاحي شوي من التفكير والتخطيط ... أعطي التلقائية شوية مساحة توكلي على رب العالمين ياروح .. وين التوكل ؟
مو لازم كل خطوة تخطيها بتعاملك مع زوجك تكون محسوبة ومدروسة .. كل لحظة ولها ظروفها

ارجعي لاخر رد لسيدة الموقف واقريه بتمعن .. أعرف الواحد بطروفك يكون صعب يركز . ركزي على اللي قالته عن زوجك ..

الله يهدي بالك ويجعل زوجك قرة عين لك حبيبتي

__________________