رد : محبتكم روح الطير..محتاجتكم [ مستجدات بالرد 30 - 31 - 34 - 288]
لا إله إلا الله محمد رسول الله
غاليتي روح كنت اظن ان الوضع ابتدى ينصلح بينك وبين زوجك ويسير لطريق الصحيح بهدوئك وبالحلول اللي قدموها لك اخوانك واخواتك هنا لاكن تجي البنت هاذي وتشعل الفتيل من جديد وش تبغى هاذي المخربة وش مصلحتها تطارد وراك وتراسلك وش تبغى توصل له هالحقيرة والله ويشهد الله لو انا قريبة منك وجارتك اول ما ابتدي اكسر لك شريحة جوالك واغير لك شريحة برقم جديد غير رقمك علشان هالخبيثة ما تقدر توصل لك ولا تخرب عليك حياتك الحين كانت امورك هادئة وابتدت تزين وزوجك وضعة الحمدالله ابتدى يتعدل وهاذي الشيطانه رجعت تتصل مرة ثانية روح تبغين حياتك تتغير وحالك ينصلح انتي وزوجك مع بعض من بكرة غيروا ارقام جوالاتكم جديدة والأولى كسروها واحرقوها بيتك واطفالك وحياتك اهم وزوجك يحتاج منك حزم ومتأكدة انه بإذن الله راح ينصلح حاله وراح يتغير لاكن لا تخربين بيتك وتفتحي اوذانك لمثل هالأشكال الأقوياء يواجهون ويتحدون الصعاب مو يهربون منها الهروب ضعف وانهزام لا تنهزمين لا تقولين انا لي مستقبل وما بخسر شئ انتي ياروح لا تعلمين الغيب ما افيه احد يدري وش مكتوب له في حياته يمكن ينخرب بيتك لا سمح وتخسرين خسارة كبيرة في حياتك ويمكن تحتسبين وتصبرين وتحلين امورك مع زوجك وربنا ينعم عليك ويجازيك ويكافئك بصبرك واحتسابك ويصلح لك زوجك ويهديه ويصير انسان اخر ورجل آخر
والله اني احساسي يقول لي ياروح ان زوجك طيب وسهل التعامل معاه وتقدرين له بعون الله ياروح هذا ابو اولادك وبينكم عشرة عمر وان كان غرر به الشيطان في لحظة ضعف واخطئ بحقك فأنت كوني حليمه معاه واعفواصفحي وسامحيه ولك اجر وثواب ذلك ياروح علشان اطفالك ناظريهم طالعي في عيونهم وارحمي صغرهم وضعفهم ياروح والله اني مشغوله حدي ويشهد الله اني دخلت علشانك هدي نفسك وريحي بالك وارحمي روحك ياروح والله ان الدنيا هاذي بأكملها ماتسوى إن نشيل في قلوبنا على من احببناهم مثقال ذرة والله ان يصير فيهم شئ انا لنأكل انفسنا على فرقاهم الم ولوعة وحسرة وقهر ياروح حطي يدك بيد زوجك وتسامحوا اليوم نحنى على الأرض وغدا نحن في باطنها ياروح ان كان زوجك كاذب فربنا بيحاسبه مو انتي ياروح وبعدين تأكدي ان الزوج مايكذب على زوجته إلا إنه يحبها ولا يريد جرحها وين يروح ماعاد له مخرج الرجل انحاس يخاف يقول الصدق والحقيقة ويروح فيها ويضيع بيته واطفاله ويخسرك ويمكن انه صادق والبنت تتبلى عليه وتبغى تعيشه بقهر وجحيم في حياته وماصدقت تلاقي عليك مدخل انتبهي ياروح الله يوفقك يارب ويهدي سرك وانا متابعة لك واتمنى من الإخوان والأخوات انهم مايقصرون ويصلحون قدر المستطاع اختنا روح تغرق ونحن اخوانها إذا لم نمد لها يد العون والمساعدة راح تغرق وتضيع ارجوكم لت تتركونها لحالها واللي عنده كلمة خيرواصلاح يقولها الله يجزاكم خير ويبارك فيكم
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله