لكل شي حد

( لأ )

ماعندي رغبة بالإستمرار

قام من غيرما يتكلم ، و هو من أول ساكت ( مع إنه وعد بيتغير و إنه هو اللي يحاول ينسيني )

مع كذا ( يعرف إنه يستفزني إذا طنشني ، و مازال بنفس طريقته )

وقت الأكل ، كنت شبعانة مالي نفس .. أكلت شوي و جلست شوي و جيت بأقوم
قال لي كملي أكلك كلي ، قلت له ( شبعانة و ما أقدر اضغط على حالي ، الأكل طلبته عشان الأولاد ، أنا مالي نفس )

بالعادة بعد ما أخلص من الأكل ، اتكلم و أحكي و أقوم أجيب أي شي من المطبخ يبغاه ..
( يعني كنت زي النحلة بالبيت ، و ما كان شايف الشي هذا )
دحين - انطفيت - ..

.
.

جاء قام بيخرج ، و ولدي راح وراه ( يحبي و يزحف ) ..
طالعت فيه ، قلت له خارج ؟

قال لي ايوة

قلت له ، هو هذا التغيير اللي تقصده ؟

قال : شوفي حالك من أمس و إنت ساكتة و قالبة وجهك

قلت له : مافيا شي ، بس إنت قلت لي مو مطلوب منك تقدمي شي
و أنا ما عندي شي أقدمه أو اعمله ..

قال لي :
إيوة بس مو بالطريقة هذه ، تقومي و تروحي و تجي و إنت ساكتة طول الوقت
و تمسكي الجوال و تكلمي بالواتس و الإبتسامة من هنا لهنا