هو يقول امس اعتبريها اني كنت باعيش مراهقة متاخرة
وعقلت

والدليل اني تركت السهر

ويحلف انه مالمسها
وانها كذابة

المهم

انا نفس الشي اقوله

هو كمان كذاب وهي كمان

هي بأي طريقة تبغاني اتطلق منه

بعدين لما قلت له خلاص اغرف لك انت كل و انا دحين اجي

انقهر وقال انام بالسيارة احسن

اذا امس رحتي قفلتي الباب ونمتي
ودحسن تبغي كل واحد ياكل بنفسه

مع انه يبان بارد وماهمه

قلت له خلاص طيب ماراح اكل لوحدي

و بصراحة انا جدا تغيرت
صرت باردة جدا و احس برودي قاهره

لما اكلمه يطنشني ويتفرج عالتلفزيون زمان

دحين كنت جالسة
بالصالة وهو يتفرج تلفزيون وانا ساكتة تقريبا ساعة كاملة

وجلست اتفرج عالتلفزيون وساكتة كمان
بالعادة اعلق و اصير انا المخرجة
او اي شي

بس مسكت الجوال و اتكلم بالواتس و صرت اضحك وابتسم
بامزح مع صحباتي ونتريق على مواضيع مختلفة


قمت بعد شوي و انا ما اطالع فيه

رحت الغرفة بارقد شوي
بعدين افتكرت الشغالة

قلتلها روحي كلي و هاتيه أأكله ولدي

اخدته و وديته الصالة أأكله

زوجي قام وراح بيخرج

قلتله خارج ؟

طبعا من اول انا وهو ساكتين

هذا مو طبعي فهو مو متعود
بس انا متعودة على اسلوبه و سكوته و تطنيشه واستفزازه