حبيبتي قلوب السموحه على الغيبه ... ما شاء الله عليها ( لكل شي حد ) ما قصرت

وانتي ما شاء الله عليج جميل انك بديتي بكم خطوة ..

بس عندي ملاحظات على بعض التصرفات ... مثلا : ليش تنتظرين زوجك هو اللي يتكلم ؟ لين متى ناويه تخلين
الزعل يستمر ؟؟ ما دام سالك عن المطر اليوم ... باجر انتي اسئليه عن شغله .. قبل لا يروح الدوام ودعيه وادعي
له ولما يرجع رحبي فيه وادعي له .. وليش ما تبينه يلاحظ تغييرك .. ؟؟ لازم يلاحظ تغييرك علشان تتصلح الامور
بينكم .. الحين قال لك خلي شوي من العشا باخذه بكره للغدا .. انتي شدي حيلك وسوي له غدا وحطيه بالسيارة
اذا سالك وين الغدا قولي له في السيارة .. خليه يتفاجأ ان الاكل غير مو اكل العشا .. اكل جديد انتي جهزتيه ..
وقبل لا يطلع قولي له ( الله يوفقك ) استغلي هالايام من عمرك يا قلوب .. حرام عليك تضيعين هاللحظات بالتركيز
على امور تافهه ..

اذا رجع زوجك على الاقل قولي ( هلا والله ) يعطيك العافيه .. والله زوجك بيرتاح وانتي بترتاحين .. جهزي له
العشا .. اذا راح ينام وقال لك تصبحين على خير ... قولي له : لحظة انا بجي معاك الغرفة .. اجلسي جنبه حتى لو
ما تنامين انشغلي بكتاب بالقرآن بأي حاجه بس بدون ازعاج .. وانتي بادري وقولي له تصبح على خير ..

ما عليه حبيبتي زوجك ساكت لانه مل من المشاكل ويظن انك مستحيل تتغيرين .. لكن بإيدك تثبتين له انك تغيرتي
للاحسن .. واكرر ركزي على ردات فعلك وسرعة الانفعال عندك .. وحاولي تعالجينهم بالبحث والتثقف ..

نسيت اقولك .. استغلي الفرصة وتعلمي اللغة علشان تقدرين تتواصلين مع جاراتك بتشغلين
وقت فراغك وبتستفيدين وبتتعرفين على جاراتك

ربي يسعدكم ويهنيكم