رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح انا كلامي نفس كلام اختي فاكهة الشتاء...
و لكن راح ازيد شي واااحد بس..
انتي قلتي انج راح تعيشينه ملك... السؤال اللي يدور في راسي... ليش هو كيف كان عايش قبل؟؟؟ تراه ملك من زماااااااااااااااااااااان بس انتي مب حاسه باللي قاعده تسوينه معاه...
اشوف نبرة لوم مخفيه في ردودج... و نبرة عتاب للنفس...
روح اختي... انتي ما لج ذنب في اللي صار... و لا تعاتبين نفسج...
كلام فاكهة الشتاء دقيق
و ما شاء الله عليها كتبت كل شي ابي اقوله...
في جملة قلتيها استغربت منها وااايد... و اللي هي "من اليوم ، شغل البيت ما راح أمسكه أبدا إيش ما صار ..
راح أجيب شغالة تمسك الأولاد ..
أي شي تقوله ، راح أقول لك ( طيب ) ..
ما راح أزعلك أبدا ..
و لا راح أجرحك أبدا ..
و لا راح أعاندك أبدا .. "
و قلتي بعدين انج بتعيشين عيشه سي السيد...
ما اعرف اذا الاخوان و الاخوات راح يوافقوني الرأي او لا...
بس انا حسيت كأنج تكافئينه على اللي سواه... مب تعاقبينه...
احنا مب هدفنا تشتيت العايله... و لكن انه يحس بالغلط اللي صار و انه كان ممكن يخسر عائلته بتهوره...