أختي روح الطير
ليش تحملين نفسك كل شيء يصير
الخطأ وارد ومو ضروري خطا زوجك يجي بناء على تصرف انتي تصرفتيه

اعتقد من ردك هذا قدرت احدد المشكلة الي ضاغطه حياتك وافكارك
ليش تقولين انا بسوي واسوي وانت بالمقابل تعدل اخطائك
يعني لا يمكن يكون تصرفات الي حولنا الخاطئة هي فقط بسبب أفعالنا
كان الحوار بأنه يعدل من نفسه ويراعيك كافي
ويتوب من ذنبه لأنه اخطأ
بس
ويعتذر
المخطئ له عقاب حسب خطأه او ممكن تسامحيه
لكن انتي لا تدخلين نفسك في الاسباب الي خلته يتعرف على وحده

ورغم اني اقرأ من ردودك ندم زوجك
لكن هو عارفلك صح وعارف كيف يخليك تحسين بالذنب على شيء ما سويتيه
ومو معنى كلامي انه تصرف شرير منه
لكن انتي انسانه ما تعتمدين على احد
حتى بفهمك لخطأ زوجك واهماله لبيته وسهره وووو
فهمتيه انتي انه بناءاً على انك غلطتي عليه بكلام جرحه
وانك مشغوله بالبيت وبالاطفال
وهذا بنظري فكرة خاطئة تماماً
معروف انه برمضان الشغل يزيد والانشغال للكل والي عندها أطفال يكون وقتها معاهم
الحقيقة انه المفروض يزود مساعدته لك او يخفف عنك بعض الطلبات
لا تقولين مو متعود على المسؤولية والكلام الي دايم تكتبيه
لأن هذا الكلام مرفوض
حتى انتي ما كنتي متعوده على المسؤولية
واغلب الاباء والامهات وحتى الازواج الجدد مسؤوليات جديده
المشكلة انك ما تتركينه يواجه مسؤولياته
بحجة تساعدينه
وهذا مو منطق حب بل منطق سيطرة
اعذريني لو ضايقتك
وحتى لو كنتي شايفه خلل في ادارته لبيته
مو الحل انك انتي الي تقومي بالشغل عنه
الحل انك تقترحين وتخلين له المجال
عارفه بتقولين من وين يصرف
مساعدتك لزوجك مطلوبه
هذا واقع الحال
لكن بامكانك تحسسينه انه دين عنده مو يسحب كذا والحديث عن هذا الجانب المادي يطول
ومو الآن وقته