لا حول ولا قوة الا بالله

فدييييييييييييييييييييييت روحج ياروح .. اليوم رجعت من السفر وعرفت موضوعج يالغاليه ..
والله مو قادرة اعبر عن حزني وألمي على اللي صار معاك .. فعلا انصدمت وقلبي عورني

روح أنا حاسه فيك .. اعرف لما تحسين محد معاك وكل المشاكل تطيح على راسك مرة وحده
ومو قادرة تفكرين .. غير المشاعر المختلطة من حزن وخوف وقهر وضعف وغيره .. هذا غير التظاهر بالقوة والقسوة
كل هذا متعب لروحك وصحتك حبيبتي ..

بهذا الضغط وهذي النفسية انصحك يالغاليه بالابتعاد لو يومين عن المنتدى .. لان بعض التحليلات والاراء ممكن
تأثر عليك وبدل لا تهديك تخليك تنفعلين بزيادة .. خلال هاليومين الجإي للي ما تغيب عينه ولا يتخلى عن عبده
إلجإي للي موجود ويسمعك في كل لحظة .. إلجإي لرب العباد فهو ارحم والطف من العباد وصدقيني قرب رب العالمين
يغنيك عن كل الناس حتى اقرب الناس .. ابكي وادعي واشتكي وأسالي الله ان يلهمك الصبر اذا كان هذا ابتلاء وان
يخففه عليك ان كان عقاب .. اطلبي من الله ينور لك دربك ويصلح امورك ويكتب لك الخير .. قوليها من قلب
الحمد لله على كل حال ..

اثق تمام الثقة بتفكيرك الحكيم وقدرتك على اتخاذ القرار الصحيح حتى لو كانت متسرعه .. الحين انا احس انك مو روح
اللي نعرفها ولا الومك ابد تعرفين ليش لان مشاعرك وتفكيرك وحالتك النفسية كلها متضاربه .. هدي شوي يالغاليه ولا
تتخذين اي قرار وانتي بهالحالة ..

تأكدي يالغاليه اننا كلنا معاك بقلوبنا ومعزتنا ودعواتنا .. والله لو تبيني اجي لين عندك والله اني اجي واوقف
معاك واساندك باللي اقدر عليه لان غلاتك من غلاة خواتي وربي الشاهد .. انتي بس امري

والوضع هذا كله ممكن يتصلح وكل شيء ممكن يكون احسن بإذن الله .. بدون لا تبذلين اي جهد وتعبين نفسك
بس حاليا ارجوك ابعدي عن المنتدى ليومين بس لان هني كلامك بس اللي يوصل لكن مشاعرك ما توصل الا
للي جرب وكان مكانج في يوم وحس باللي تحسين فيه سواء من تصرفات اهلك او زوجك

وبالاخير بقولك اني يمكن اخالف البعض اللي قال ان البنت تبي تتزوج زوجك .. انا اشوف ان البنت حتى لو كانت
على علاقة مع زوجك كانت حذره ومع ذلك صدقت كذبه .. علشان جذي تبيك تتركين زوجك وتبهدلينه من باب
الانتقام لا اكثر ولا اقل .. وشي ثاني زين انك خبرتي اهله على الاقل يوقفون معاك الخطوة هذي لصالحك
وتاكدي الانسان اللي يكذب واااااايد يكون خواف وااااااااايد استغلي هالنقطة حبيبتي ..

لي عودة يالغلا .. وادعو الله ان يفرج همك ويهون عليك ويصلح امورك كلها ويكتب لك الخير