رد : محبتكم روح الطير..محتاجتكم [ مستجدات بالرد 30 - 31 - 34 ]
بعد كذا ، زوجي خلاص عرف إنه ( لا مفر ) ..
قال :
خربانة خربانة .
أنا كلمتها على الموقع
و عرفت إنها موظفة
قلت أخد منها فلوس و بعدين أطنشها
عشان أسدد فيها مخالفات ساهر ، و أجيب لك شغالة استقدام زي ما وعدتك
و اللي صار صار
خلي بالك على الأولاد و لا تحسسيهم بشي
و انتبهي على نفسك
.
.
قلت له :
ما حذرتك من البرامج هذه كم مرة ؟
.
.
قال لي :
و الله أدري و قلتلك غلطان
.
.
قلت له :
تروح تقابلها في مطعم ، و و تاخذ فلوس و تتفق معاها على شاليه
تخونني ؟
و تسألها لو ناقصها فلوس تحوله لها ؟
وقت راحت تبيع خاتمها ؟
أنا عمري بخلت عليك ؟
ما أعطيتني 3000 ريال ، و رجعت لك نصها و قلت لك ( قالولك ما عندي قلب ) ؟؟؟؟
.
.
قال لي :
أسأليها حولت شي ؟
مع إنها أدتني رقم حسابها ..
.
.
قلت له :
هي اللي رفضت مساعدة منك ، و كنت راح تاخد مني بأي طريقة عشان تصرف عليها ..
.
.
قال لي :
لا و الله أعطتني رقم حسابها
بس طنشتها
ما عاش أحد أخد فلوس منك ، و أعطيه ..
.
.
قلت له :
ليه كذا ، خربت عشك و عش أولادك ؟
ليييييييييييييه ؟
حمودي نسيت ضحكاته وقت يشوفك ؟
أنا طز فيا ، هو ما هان عليك ؟
عبود كمان ؟
أنا بالتدريج راح أبعد عن طريقك ..
بس مية ضربة جات فوق راسي ..
مع كذا ما عملت مثلك ..
إيش يضمن إنك ما قابلت بنات تانيين ؟
إيش يضمن إنك تضحك علي كل مرة .. بس المرة هذه هي طلعت أشطر ..
إيش اللي يضمن ؟
و كلام كثير كتبته و هو ساااااااكت ..
و أفكره بكلامه زمان و وعوده ..
قلت له ، ليش حرام عليك ؟
ما نمت لحد دحين و كوابيس
حرام عليك ، من متى كرهتني ؟
و من متى كرهت الحياة معاي ؟
من وقت ما صرت أطلب منك تتحمل مسئولية البيت .؟
مع إني كنت أشيل كثير عنك ، بس أبغاك تحس
.
.
قال /
و الله ما كرهتك
و لا عمري حأكرهك
.
.
قلت له :
إلا معليه
اللي يحب ما يخون
كيف أهون عليك .. لو إني مغفلة معليه ؟
المشكلة إني أحذرك و أنبهك كم مرة
بس إنت بايع
لاخر لحظة مستمر معاها
تقول هي إنك تنام مع بنات ، و مو أول مرة تخونني ، و حاولت تجيبها البيت
.
.
قال لي :
تقول اللي تقوله
و كيف أجيبها و انت في البيت و لا عمرك خرجتي ؟
.
.
قلت له :
لما أروح السوق و لا أبدأ دوامي ؟
.
.
قالي :
السوق
يا شيخة ؟
.
.
قلت له :
هاه عجبتك ؟
.
.
قال :
لا
جوالي حيقفل ما شحنته من أمس
.
.
قلت له :
هاه ، أكلتها بيدك ؟
.
.
قال لي :
لا ، و لا قربت جنبها
.
.
و من بعدها جواله جلس مقفل لحد الربوع الصبح ..
أنا عرفت الموضوع يوم الإثنين في الليل ، و خرج من البيت ،، و الثلاثاء ما شفته
و جلس مقفل جواله لحد الربوع ..
و على أساس الأربعاء يروح المحكمة و يرسل لي ورقتي و لا عاد أشوفه و لا يشوفني
***********************************************