احساس عمري

استني الحلقة الأخيرة


هههههههه ، حسيت حالي بأحكي مسلسل تركي
ترى أنا عادي ، ابكي مرات و اضحك بنفس الوقت ..

مجنونة قولوا عني ، عادي ..

.
.

احساس عمري ..


لو هي تبغاه ، صدقيني هو ما يبغاها ..
زوجي و اعرفه ..

و لا ما كنت كشفته من وقتها ..

.
.

بس هو اللي باع ، و نزل حاله لمستوى الحضيض ..

.
.

نسيت أقول ، باركوا لي لقيت شغالة و الحمد لله ..

أحس إنه دعواتي برمضان ( وافقت ليلة القدر و الله أعلم ) ..

.
.

و بعدين أفضفض لمين وقتها ؟

و الواحد وقت المصيبة ما يحس أبدا إلا بإحساسه ،،
و دحين و أنا بأنسخ و الصق الكلام ، فهمت كلامكم ..

و بعدين هي قالت صورته مع أجنبية و بيده كاسة خمر
لإنه في بريطانيا اتهموه نفس الإتهام هناك ، و ما صدقتهم لإني ما عمري شفت زوجي بغير عقله
مع إني أشك إنه عنده عقل ..

.
.

المهم ..
أصريت عليها تجيب الصورة ، و كان لازم استعطفها ..
و الحمد لله جابت الصورة ..

و لقيت الكاسة اللي ماسكها ، كاسة فيها ( كولا ) مو مثل ما قالت ..

.
.

أنا مو قلت أخلص و بعدين أعلق ..
ترى جوعانة و كل شي ..

.
.

دحين نفسيتي كويسة ، أنام و أصحى و اجلس ابكيييييييي و تسود الدنيا بوجهي ..

بس حسيت بعد ما نسخت كلامها هنا ، ارتحت كثيييييييييييييييييييير ..
لإني رجعت اقرى كلامها و اكتشفت إنه كلامكم صحيح ..


بس فيه أشياء قالته صح

و هو ليش قليل الأدب يرسل صورته ؟؟؟؟؟؟؟؟؟؟؟؟


.
.

بالله ،، لا تهونوا الموضوع ..

مجرد إنه يفكر يكلم وحدة ، مصيبة ..

فما بالكم بإنه يقابلها و يوصلها ؟؟؟؟؟؟؟؟؟؟؟؟؟؟؟؟
تحسسوني إني من كوكب تاني ؟؟؟؟؟


.
.

بالله ، فينه المتفائل بالله يوقف معاي ؟

معليه ، بديت أهلوس على اخر الليل ،،
و ميتة جوع ، لإني من اليوم بديت أخد أعشاب تفتح الشهية و تخليني أزيد و ارجع لصحتي اللي خسرتها ..

( طبعا عالساعة 7 الفجر ، أختي الكبيرة ( الحنونة و اللي ربتني ) وصل لها الخبر و دقت تكلمني ..
لإني ارسلت لها بالليل ، بلغي أخوانك و أخواتك ( إني انفصلت عن زوجي ) ..

.
.

قالت لي ، كيف يا روح الطير ؟؟؟؟؟؟؟؟؟؟؟؟؟؟؟؟؟؟

ترى زوجي اللي هو زوجي ، طيب و ما يقصر معاي ..
و الله ما يعاملني زي ما يعاملك زوجك ..

أنا شايفة بعيوني كيف ما عمره زوجك يرفض لك طلب ؟
أي شي تقولي له ، يجري و يلبيه لك بسرعة و يترك كل شي بيده ..

يا شيخة لا تظلميه ، و استخيري ..

قلت لها ،، ما أبغى استخير .. خلاص ما أبغاه ..
ما أبغى استخير ( كنت أخاف استخير و ربي يقدر لي إني أرجع له زي كل مرة .. استغفر الله تفكير غبي )

و سبحان الله ،، استغفرت ربي ..
و قمت قريت دعاء الإستخارة بصعوبة ، لإني كنت مقررة خلاص ( الطلاق ) )

.
.

نفس اليوم ، ما نمت و جلست سهرانة ..
الدموع توقفت و ما صرت اقدر ابكي ..

كنت مصدومة ،، بس ساكتة و عيوني عالجدر ..

دخلنا لثالث يوم العيد ..
و أنا زي الجنية لوحدي بالبيت جالسة مع الولدين و هما نايمين و أطالع فيهم و ساكتة ..

خلاص ، ما صرت أقدر افكر بشئ ..


.
.


أرسلت الصور اللي هي أرسلتها لي ، بالواتس أب لزوجي عالفجر ..

ارسلت لزوجي ..


أنا :
- و الله ما عليك حسافة ..
- شكراً على كل لحظة خنتني فيها ، أنا فرحانة إنه ربي فتح بصيرتي ، و إنه ربي يحبني
ما أعرف إنت أية نوع من البشر ؟؟؟

- هاه ؟ حلوة ؟
عجبتك ؟ وقت قابلتها ؟
و تقولي راتبك خلص بسببي ؟
خاف الله ، و برمضان كمان ؟
ما راح أبكي عليك .. بس إنت راح تبكي دم و مو دحين ..
وقت تجرب غيري ..



هو :
إيش تبغي ؟



أنا :
جيب ولدي ..

فلوسي أخدته حقة المسجد و صرفته عليها ؟
مو كنت تقول تدبر لها فلوس بأي طريقة ؟



هو :
لا و الله ، حق الله ما ألعب فيه



أنا :
و وصلتها السوق مع أهلها ؟



هو :
خلاص يكفي كلام ، طيب

.
.

و أعطيته كلااااااااااااااااااااااااااااااااااااااااااام ( عتاب ) .. و إنه كيف استهان بالله و خلاه أهون الناظرين ..
و ليش يعيشني معاه في خدعة و ليش و ليش .... إلخ


و هو سااااااااااااااااااااااااااااااااااااااااااااااااك ت ..


.
.

اخر شي قلت له ..

( الله يرزقك زوجة ، تخونك بفراشك ، قادر يا كريم و بسريرك ) ..

.
.

برضو ساكت ..

.
.

قلت له ..

الله ينتقم لي منك ..

.
.

رد علي :
و من قالك حتزوج بعدك ؟؟؟؟؟؟


قلت له :
كذاب
مثل ما مثلت علي الحب ، و تخونني

.
.

قال :
بطلي تدعي علي
ما مثلت عليك و الله ..

.
.

قلت له :
راح أدعي انك تذوق طعم الخيانة ..

.
.

قال :
شكرا

.
.

قلت له :
ربي لو ما يحبني ، ما كان كشفك

.
.

قال :
طيب خلاص
أهم شي لا تدخلي الأولاد ، عشان لا تجيهم عقد نفسية

.
.

كملت عتاب ، و قلت له كل شي هذيك قالته لي ..

.
.

بس رد علي بكلمتين ..

خلاص يكفي كلام

.
.


سألته مين اللي حبيتها قبل 5 سنوات ..


.
.

قال :

بأقولك و لا وحدة و لا هم يحزنون

.
.

سألته :
إيش ناقصك مني ؟

.
.

قال :
خلاص الكلام ما منه فايدة ، اللي صار صار
و مو ناقصني شي منك

و قلتلك إني غلطت

.
.

قلت له :

غلطت جوال
غلطت رسالة
مو مقابلة و فندق و مطعم و شاليه وووووووووو إلخ
و عددت له كل شي ..

.
.

و قلت له :
كم مرة سألتك تغيب بعد الفجر غريبة ؟ و في الليل كم مرة ؟
قد كذا أنا رخيصة ؟؟؟؟؟؟؟

.
.

قال لي :
و الله بهذه الفتة بأكون في الصالة بألعب
و لا و الله سلامتك

أنا اللي أستاهل ضرب بالجزمة

.
.

قلت له :

ربي راح يعوضني ، انت ما تستاهلني

.
.

قال لي :

آمييييييييييييين
ربي يعوضك خير على صبرك ..

.
.

قلت له :

لا تتريق علي ..
يكفي السنوات اللي ضاعت و أنا مخدوعة

.
.

قال :

ما بأتريق و ربي ..

.
.