راح احكيكي عن تجربة أمي وتجربة جدتي ..

جدتي (أم أبويا) بعد ما اتزوجت بكم سنة اتوظفت في مدرسة وبعدها بفترة زوجها اقنعها انها تترك الوظيفة وهي
سمعت كلامه وتركت وظيفتها ، طبعاً بعد كدا بهدللللللهاا .. بخيييل ما يصرف عليها .. وصاااارت محرومة
من اشياء كثيرة هي نفسها فييييهاا .. وحتى اولادها كانت ناقصتهم اشياء كثيييرة .. المهم بعد كدا
اضطرت ترجع للوظيفة علشان لا تنجن منه وتتطلق بسبب الفلوس ..
** بس المشكلة انو هي ما صارت تعطي اولادها الاهتمام الكافي بسبب انها كانت ترجع من الوظيفة
تعبانة ومرهقة .. ..

أما امي .. كانت من ضمن اسباب طلاقها الكثيرة من أبويا رغبتها انها تتوظف ويكون لها استقلالها .. ابويا طبعا
رفض بحجة انو نحن اطفالها لسة صغار مين راح يجلس معانا ومن الكلام الكثيييير هذا .. هي في بالنهاية
اتطلقت .. وبعد ما أطلقت بسنة تقريباً اتوظفت وجربت بنفسها الم ومعاناة الوظيفة والبهدلة ودحييييين تتمنى من
كل قلبها لو تترك الوظيفة .. بس خلاص فات الاون لانها دحين صار عمرها في نص الاربعين وهي بتصرف
على نفسها وزوجها الحالي هو بس متكفل بالأساسيات ..

في الأخير أبغى اقولك رأي .. موضوع الوظيفة كله يعتمد على الزوج .. إذا كان مو مقصر مع زوجته أنا افضل
انها تترك وظيفتها وتجلس مررررررتااااااحة في بيت زوجها .. أما إذا كان بخيييل ومبهدلها من ناحية الفلوس ..
خليها جالسة في وظيفتها اكرملها ..