السلام عليكم ورحمة الله وبركاته
أخي الكريم بصراحة أنا ما فهمت شو مشكلتك بالظبط.هل هو نكد وبرود خطيبتك ؟إزا كان الجواب إيه فأنا بحب أنصحك بحاجتين مهمين .لا تبينلها إنك مزعوج من تصرفاتها لأنها إزا ابتدت تشك إنه هي نكدية ما رح يصير عندها لا تقة بحالها لا فيك ولا بالحياة لي بدكن تعيشوها مع بعض رح يتخيلها إنه بعد الزواج هي رح تكون الزوجة النكدية وإنت الرجال الطفشان من بيتو أوكي عزيزي تاني شي والأهم غزا هي ما بتتصل فما معناتو إنه هي باردة المشاعر والأحاسيس بأكدلك إنه هي عم تخبي مشاعرها لأنها ملاحظة إنك مقصر بسؤالك عنها والله العظيم كل الكلام لي بحكيلك ياه عن تجربة لأنه وأنا عم إقرى موضوعك شكيت إنه خطيبي لي بعيد عني كمان هو لي كاتبو فبدي ياك تحس إنك بجلسة مصارحة مع خطيبتك
هلأ بدي أطلب منك شي حاول دور على الأسباب لي عم تخليها تنكد وحاول يا إما تقنعها ليش عم تعملها يا إما ما تعملها ....البنت أنوثة ,حساسة زيادة عن الللزوم, عاطفية ما بتفكر بالعقل اقلب هو لي بيحكمها بفترة الخطوبة والله العظيم لو بتحكيلها كل يوم إنك بتحبها وغنك بتحترمها وهي حبك الأخير وإنك بدك تصير المارد لي بدو يحققلها كل أمانيها وإنو ما فيك تعيش بلاها رح تصير ما في أهدى منها .وإزا ما كلمتك هي شو المشكلة؟ كلمها إنت فاجئها برساله كلها حب وأهم شي لا تغلط نفس الغلط وتبررلها وتتأسف وترجع تغلط مرة تانية هيك ما بتعود تحس بأمان معك .مشكلتك كتير بسيطة هلأ بدي ياك تبعتلها رسالة تكتبلها فيها إنه حياتك من دونها ما بتسوى شي وإنك كل شي عم تعملو مشان تسعدها ولأنه بدك ياها تكون شريكة حياتك
وانشالله يكتبلك لي فيه الخير ويهدي بالكن يا رب ويحنن قلوبكن على بعض ويبعد عنكن عين البشر وسوسة الشيطان
وكل عام وإنت بالف خير