السلام عليكم ورحمة الله تعالى وبركاته

هلا بأختنا في الله ريهان

شوفي ياريهان وانا اخوج ، والله المسئلة جداً بسيطة وعادية ، ويمكن مرت على كثير من الشباب ، اللي يحب بنت عمة/عمتة ، واللي يحب بنت خالة/خالتة ، ومايصير بينهم نصيب ويتزوجون غيرهن ، لكن في الاخير الحب الحقيقي للزوجة لأنه هو الحب الطبيعي!! اللي فيه عشرة وتواصل وتقارب وإحساس ومشاعر.

ولو كان يبيها كان تزوجها قبل لايجيك ، وهي اكيد بعد الحين ماتفكر فيه لأنه متزوج ، واذا حاطة ابالج انها تحبة (وحتى لو كانت تحبة فعلاً) ، ف تطمني مافيه بنت تحب شخص وترضى ان تشاركة فيه بنت ثانية !! مستحيل .. خصوصاً لو ماكان متزوجها!! ف لاتخافين من ناحيتها أبداً!! لأنها أكيد اتفكر مثل مايفكرون باقي الحريم بزوج يكون لها لوحدها ، وبزواج ماتهدم فيه سعادة غيرها.

هذا غير انها راح اتفكر بعين الكرامة والكبرياء وتقول انها ماراح تقبل فيه لأن مافكر فيها من اول مانوى الزواج وانها مو "فضلة" طعام يجي ياكلها بعد ما اكل غيرها.

ف لاتعورين قلبج ولاتجيبين لنفسج الهم ، وعلى قولة اخوانا المصريين "حطي ابطنك بطيخة صيفي" وتطمني ، وخلي الحياة ماشية مثل مايبي القدر ، ولاتدخلين في شؤونها أبداً ، ولاتفتحين معها اي شي ولا مع زوجك ، لأن بالأخير مايصح إلا الصحيح.

ولاتسببين مع زوجك مشاكل بهذا الخصوص!! يعني اقطعي هالموضوع من دابرة عشان مايتطور لمشاكل لاتحمد عقباها وتوصل الأمور للطلاق (عاد الحين بعض الرجال ماعندهم مروة ولانخوة ويطلقون ع طول وكأن الطلاق لعبة)

ف كل اللي عليج الحين تسوينة انج تدعين الله لها ان الله يزوجها ويسترها بالرجل اللي يستاهلها ، ومن تتزوج تنتهي صفحة هالهم من راسك ، ويصير هالموضوع مجرد ذكرى تضحكين عليها كل ماتذكرتيها..

اما موضوع المعاشرة هاذي بسيطة ، وهالشي يعتمد على نفسيتة وعلى انوثتج ولبسج وطريقتج ، وصدقيني كل ماكنتي متفانية معاه في حقوقة الزوجية كل ماكبرتي بعينة ، ولاكبرتي بعينة صدقيني الرغبة بداخلة بتكبر ويصير هو اللي يجري وراكِ في هالموضوع.

وزواج بنت خالتة راح يعزز هالشي.

بالتوفيق يارب.

__________________
استغفر الله واتوب إليه