رد : سؤال يقرقع بقلبي الله يعين ياليت الرجال يفيدوني
ان شاء الله ربي يعوضك خير ..
هذي الجمله تشمل اشياء كثيرهـ وهي احلى جمله بالوجود ..
___
شوفـي كلنآ نعرف ان الاخ الكبير دايم يكون حساس وكرامتـه فوق كل شيء
ويحس ان خواته واخوانه كلهم برقبتــه .. ويكون جدي بزيادهـ
دايمآ الاخ الكبير له وضع خآص كلنآ نعرفهـ
فمآ بالك لو انه سمع مثل هالكلمه ( تعال خذ اختك ) ولا ( نتواعد بالمحكمه واطلقها )
اكيد بيعرف وقتهـا ان الموضوع كرامـه وجرح كبرياء .. بالنسبه له .. لانك اخته حبيبته عرضه وكرامته
طيب لو نقول ينسى نفسه ويفكر فيك ويكون انسان ( حكيم )
هل من الحكمـه انه يفاوض او يناقش انسان ماطلب النقاش ؟ وانسان بايع ؟
ايش يقوله ؟ ماباقي الا يقوله تكفى لا تطلقهـا ولا يترجاهـ وش السبب !!
وبالبدايه اخوك توقع انه لما يقوله حتى احنآ مانبغاك واوكي نتقابل بالمحكمه ..
انه بيوقفه عند حده وبيوريه وجهه الثاني .. وبيقوله هيه ترا عندنآ كرامه وهذي بنت رجال ..
ويمكن اخوك ماكان متاكد ان هالانسان بيطلق من جد وبأسرع وقت وبكل هالبرود ..
ولآآكن ما زال زوجك بااايع !!
لا تحزني نفسك ولا تلومي نفسك ولا اخوك .. تدري ليه ؟
لأن اسألي اي انسان بالمنتدى او اي انسان تعرفيه او ماتعرفيه .. وقولي له
اذا وصلت المرحله بين الرجل وزوجته إلى انه يقولهـا خذي اغراضك ويتصل على اخوهـا يقوله تعال المحكمه بطلق اختك
.. ومايهمه حزنك ودموعك .. ويقولك انتي الي ارجوك تطلعي من حياتي ..
اذا وصلت الامور لهالمرحله .. هل ينفع نقاش مع هذا الزوج ؟
هو غير راغب فيك كيف تفرضي نفسك عليه .. لو بقيتي معاه بيقلب حياتك جحيم
.. اذا لم يكن حب وألفه فالحياه تصبح جحيم ..
صعب صعب صعب تعيشي مع انسان مايبغاك !!!
واخوك بالعكس موقفه روعه .. حفظ كرامتك لأخخر لحظه ..
النساء عاطفيات .. كنتي بحاجه لموقف رجولي ..
واخوك ماقصر اختصر الموضوع .. وماخلاك تعرضي نفسك لاهانه وترجي ..
وشاف بعينه وعرف ان هالانسان بايعك ومايبغاك ..
وهو كمان قاله احنآ بايعينك ومانبغاك ..
هذا الرد الطبيعي والي يتطلب شجاعه .. وهذا الرد المفترض ..
ولا تفكري ان اخوك اذا حط راسه ع المخده مايفكر فيك !!
والله انه يفكر ويعيد مشاهد واحداث كثيره ..
ويمكن السؤال الي انتي طرحتيه .. هو يسأله لنفسه كل يوم ..
ويقول انآ اخطأت او تسرعت !!
ولآكن اعتقد انه سرعان مايرجع لقوتهـ وحكمته ويقول الي سويته هو الصح !!
لا تفتحي هالموضوع لانه لن يعاقب اخووووك لو اخطأ
ولن يرجع زوجك
ولن ولن ولن ..
بل بالعكس ربمآ تخسري اخآك .. بعد ان خسرتي زوجك !!
لا تجعلي الاحزان والهموم تسيطر على عقلك وتبدأ بإعطائك الاوامر السلبيه
اعتزي بكرامتك وكبريائك لانه هو الحل الاخيـر الذي ليس لديك سوآهـ
التعديل الأخير تم بواسطة ابو عقيل الهاشمي ; 20-08-2012 الساعة 12:17 PM