اقتباس:
المشاركة الأصلية كتبت بواسطة الهدوء عنواني
شوفي ياختي في من تهجم عليكي وفي من يوافقك الرأي وكلو بالاول والاخير على حسب عادات وتقاليد الشخص
اتغاضي عن الي تهجم او ضايقك رده ((مايلفظ من قول الا لديه رقيب عتيد))
ليش هالاسلوب انسه والا والا يصير زفه وزعل ومدري ايش
افرضي ان اهل زوجك مو راضين وبالذات امه وبالله عليكي من بدايتها بتدخلي زوجك بدوامه تمشي كلمتك او كلمة امه ...؟
ثاني شي الله واعلم مابفتيلك بحكم الزفه ويدخل عالحريم,, بس خذيها من باب خجل زوجك او نفسيته ماتتقبل هالشي وانتي بكذا بدل ماتكون ليلة عمر بتكون عليه تعاسة وتنكيد ومغصوب وبدون نفس..
الشي اذا ماجا بدون نفس ايش فايدته حتى لو انزف معك...؟
احترمي رغبته ولاتبغيه ياخذ فكره عنك مو حلوه من اولها وبيقول هذي من بدايتها بتسيطر علي,,
وعن نفسي شخصيا ماؤيد الزفه ولا ابيها بس دام رغبة حرمتي كذا وبالذات لو كان مصره مثلك اكيد بدخل السعاده لها وبوافق
بس الله واعلم بالضروف ماتدرين اهله موافقين ولا لا ومثل مانتم لكم عادات عادي تسووها تلقين هم عكسكم
وبالاول والاخير الزفه وهالاشياء مظاهر مصيرها بتجلس شهر ببال المعازيم وبعدها ولافكرو فيكي
وانتي الي بتعيشي باقي سنينك مع زوجك والله اعلم ياخذ بخاطرك عن هاليوم وبتقعد معاه سنين
هذي مظاهر وانا اخوك وادري والله رغبتك وحلمك من الطفوله بس خلك قنوعه وتاكدي دامك بالدنيا مو كل مايتمناه المرء يدركه
وانتي اكبر من كذا يانسه وغيرك تشتكي بالمنتديات وانتي شايفه مايدق بابها خاطب والحمدالله انتي بنعمه
وانتي حاولي قد ماتقدري باسلوب حلو ودلع او قولي لزوجك برساله عالجوال
(( حبيبي انا على ايدك تبدء صفحة حياتي وابيها باول صفحاتي واول ذكرى تكون زفتنا , ماتتصور يافلان قد ايش حلمي انزف لاتحرمني من هالامنيه واستحمل طلبي وخذني على قد عقلي , وانا كلي لك وتحت امرك بشورك بنعم او لا ))
وانتي عاد ضيفي او احذفي الي يناسبك بس اهم شي الاسلوب يكون لطيف
وسوائن وافق او ماوافق انتي اكبر من كذا قدامك شقه تزيني فيها وتعزمي صحباتك وتتفشخري قدامهم باثاثكم او اي شي ثاني ,, بس الا هالشي وانا اخوك لاتغصبي الرجال وتفتحي على نفسك باب من المشاكل
وتخيلي انتي لو غصبك وقلك لا يعني لا ايش شعورك,, هذا نفسه اسلوبك الي تعاملي فيه تقوليله ابي زفه يعني زفه وزعلتي عليه وهو عارف انك زعلتي لانك انتي الي بتوريه انك زعلانه,, ومو حلو هالاسلوب لما يحس فيه الشخص مغصوب عليه
ويارب يتمم الموضوع بالي يرضي الطرفين
ولاتنسي تبشرينا على ايش استقريتو,, بالتوفيق يارب
|
شوف اخوي
الزفه عندنا اساسيات
لازم العروسين ينزفو
احنا حضر ومتطورين
عادتنا تسمح باشياء كثيره
لدرجه ان العريس يختار الاغاني مع عروسته
واهله نفس الشي امه واخته عصبو عليه لما رفض الزفه
وحاولو يقنعوه ورفض
نفسيتي بجد تعبانه
من بدايتها كذا رفض
وبالنسبه بموضوع الشقه
حتى فرحتي بالشقه استخسرها فيني
مفي لاشقه ولاشي
بسكن عند اهله بغرفتين
وسكتت والحممدلله اللهم لاعتراض
بكل شي تساهلت فيه
طقم الملكه جابو لولو ب2500
حتى الذهب ماجابو
وسكتت ع كل شي ماعجبني
ومع هذا ساكته وماقلت له شي
بطاقه الدعوه مو حلوووه وماعلقت
عالكوشه اهله قالو يبغون وحده ب4 الف
الفين منهم والفين علينا
قلت لا ابغى اغلى واحلى واهلي بيدفعو الجزء الاكبر
ماينفع حتى الزفه اسكت واتنازل
وانتو هنا شايفيني غلطانه
والبنات بالردود مسوين مثاليات
اتحدى وحده منهم بتسكت عالتدخل بالزفه من بدايتها
احنا ناس طبيعين ولن اغلاطنا وماينفع نغلط الغير ومانشوف نفسنا
اخووي كلامك جميل جزاك الله خير ويرزقك ماتتمنى