ابتسمت لما شفت ردك باتصاله عليك ..


يا اختي الرجال باين يحبك فلذلك هدي الامور وخلي له مساحه وكبيره بعد ، لا توقفين له عند اتصال أو واتس آب لان الرجل واضح انه مضغوط نفسيا من العماره والاسهم فلذلك خفي عليه كثير ، خطيبك طيب ويحب يكون حر وما أحد يراقبه أو يحاسبه على كل صغيرة وكبيره ، فلذلك زود على اللي جالس يهرب منه جالس يتهرب منك لانك زدتي عالطين بله ..

هو يوم تقولي دايم يتصل فيك ويشركك بكل شي لانه جالس يلجأ لك بعد الله من هالهموم اللي تحاصره ويلاقي فيك القلب الوفي اللي يشيل عنه همومه ، وانا اجزم ان زوجك عاطفي جدا ويحبك ويموت فيك ، وانا اجزم ايضا انه كل ما تضايق اتصل عليك ونسي الدنيا وهمومها وترا هذا شعور جميل ان الشخص اذا تضايق كانت زوجته له كل هالدنيا وشكى عليها وفرغ همومه ، والدليل ان حظرك له جلس متعبه ويمكن اكثر منك ولو انه متضايق منك وفقدك ورجع للشخص الوحيد اللي هو انتي وراضاك لانك الشخصية الوحيدة اللي لا سمع صوتها ينجلي همه ..

بالنسبه للزواج فكلام الاخوان والاخوات شرحوا لك الوضع ولا تفكري كل شي بيكون مثل ما تتصورين ، الزواج مسئولية ومو كله سفر وطلعات وترا يمكن تجلسي بالاسابيع ما تتعدي من عتبت باب بيتك بحكم الظروف اللي يعيشها زوجك ..


اخيرا حاولي تتثقفي عن الزواج اكثر وتتركي عنك العصبيه لان لو في لحظه كرهك زوجك ما راح يرجع لك ابد ...


وفقك الله

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ