حكايات حب ..
ومغازل..
ولعب بمشاعر بنات الناس..
ومكالمات لخطيبتك قبل الملكه..
عاد تصدق ليتها تعرف حقيقتك قبل تملك عليك وتتركك..
انت مو كفو زواج ..
انت حدك حرام حبتني ..تعلقت فيني .. بصدقك تعلقت فيك من الباب للشباك؟؟
اكيد انت واعدها وقايل لها بتزوجك ومشبعها كلام حب وقرف..

اقسم بالله اني ما اكره بالكون قد هالنوعيه من الذكور..لا ورايح تصارح خطيبتك..ايش هالذكاء..

ايش تنتظر منا نحط قدامك خطوات ونذم ببنت الناس ونمدحك ..!
ولا نصفق لك ونقولك كفو والله تركت البنت اللي كلمتك من ورا اهلها وعاقبتها !
ولا نقول شطور صريح مع خطيبته ..!

سبحانك ربي انت بمجتمع ذكور واتوقع مليون بالميه انه الرجال راح يوقفوا معاك ولصالحك..
لكن انا اللي اقوله واللي لازم انت تسويه الان والان ترسل للبنت اللي وعدتها بالزواج وعيشتها عالم وهمي من الحب وتقول لها يابنت الناس والله انا كنت اتسلى فيك زيي زي اي شاب مستهتر بمشاعر بنات خلق الله وانا الان نويت الزواج وخاطب بنت غيرك وترى انا علاقه معاها وبنملك قريب..خليك رجال وقول هالكلام..زي ما صرت رجال و"حنيت " عليها لانها مسكينه " تعلقت فيك "
او تبغى تريح ضميرك والله والله انك لو اديتها اسم المنتدى وعنوان موضوع واكتفيت بهالشي انها راح تنساك من وقتها وراح تصحى من غفلتها وتتأكد..مو تتأكد انه مافي حب لاااا ...تتأكد انه الدنيا ماصار فيها رجال كفو تنحب..

انت غلطت ولازم تتحمل كلامي وكلامي هذا نتيجة غلطك ويلا ارسل لها اسم المنتدى وعنوان الموضوع بدال ماتعيشها بوهم.

موضوع مستفز للغايه وخالقي.