السلام عليكم ورحمه الله وبركاته
كل عام وانتم بخير ومبارك عليكم الشهر
اليوم صار موضوع ضيق خاطري وللحين ابكي منه
اليوم خطيبي كلم اخوي وقال له انه راح يطلقني وعدوه المحكمه يوم السبت
أنا مره مقهوره اخوي ماقال له شيء وهو اعتذر من اخوي طيب أنا مابي اطلق
وربي من قال لي اخوي وانا ابكي ونمت لي ساعتين حتى في نومي مارتحت ابكي ولا اريد الطلاق
للي مايعرف قصتي عمري 22 مخطوبه لي سنتين انقطعت علاقتي بخطيبي من بعد ملكتي بشهرين لانه مرض بمرض روحي مادري مسحور او محسود وكان يتعالج بالرقيه
أنا نفس الشيء اتعالج بالرقيه لان اصابتني عين حاسده فرقتنا
صبرت سنتين تقريبا لان كان عندي امل ومتفائله أنا راح نرجع حق بعض وان هذا ابتلاء من الله ولازم نصبر وتعلقت في خطيبي اكثر وتقربت من ربي بالدعاء والصدقه كل يوم يمر اقول هذا اخر يوم لتعب وراح نرجع لبعض ان شاء الله
ويمكن تضحكون علي اكثر لو قلت لكم للحين عندي امل
واحس أني مقهوره لأني بفسخ خطوبتي واحنا مالنا ذنب فيها وكله بسبب قرايبنا الله لايسامحهم وينتقم منهم اشد انتقام
وغير كذا خسرت صحتي ونفسيتي متدهوره حتى النوم الي الناس ترتاح فيه أنا اتعذب حسبي الله ونعم الوكيل فيهم
محتاجه دعواتكم كثير وعندي استفسار
الحين يتم الطلاق في يوم ولا يحتاج ايام في المحكمه