كل عام وأنتِ طيبة يا مفكرتنا مدري ليش أحس أنك طالبة جامعية ذكية
من ذولاك الدوافير إلي مايجيبون إلا العلامة الكاملة
شوفي ياقمر والدك وأمك مشاكلهم بينهم فلا تقفين مع هذا أو ذي وطلعي نفسك
من مشاكلهم هم يحلونها بمعرفتهم إلا إذا
شايفه ظلم بين وواضح فهنا ممكن تنصحون والدك وتطيبون خاطر أمكم

لذلك أفصلي بين مشاكلهم وبين برك فيهم يعني أبوك متزوج هذا شرع ربنا
ومانقدر نعترض حتى لو هالشيء يقهرنا
عامليه بالحسنى وإذا تشوفي إن أمك تتضايق لو شافتكم تحبونه وتراعونه
عامليه بالحسنى بالدس عنها ولاتستغربين ترى الأمهات يغارون على عيالهم
وبناتهم حتى من أبوهم
أنا أحياناً أغار لو حسيت أولادي يحبون أبوهم أكثر مني

تلطفي بالحديث معه كوني رفيقته سلمي على رأسه ويده وأكسبي قلبه إرضاء لله
كل فترة وفترة جيبي له هدية بسيطة أو جهزي له حلا وإلا طبخة أو حضري
القهوة وتقهوي معه أوأعتني فيه مثل تقصيص الأظافر أو دهن يديه كريم
وسولفي معه عن أيام شبابه ترى الشيبان يموتون على استعراض ذيك الأيام

وفيه شيء مهم
رضى الوالدين سواء أب وإلا أم سبب من أسباب التوفيق بالحياة وجالب للرزق
بإذن الله
وياما ناس توفقوا بزواجاتهم وسخر لهم ربي الأزواج الطبيبن والنصيب الطيب
بسبب برهم بوالديهم فلا تفوتي هالأجر العظيم وأنت ماشاء الله عليك عقلك كبير
وفاهمه ومتعلمة وأكبر دليل على حكمتك إنك قريتي رد روح ورحتي طوالي وتصدقتي
وهذا يدل على أصالتك وحسن تربيتك

والله يوفقك ياقلبي
:*