رد : حابه استشيركم في هدية لوالدي
اقتباس:
المشاركة الأصلية كتبت بواسطة فتاة فاشلة
فاكهة حبيبتي أفهميني
انا أدرى ان المشاعر مالها عمر لكن العمر مهم جداً بنفس الوقت
مع نظرة للواقع نظرة وااااعية مو نظرة عاطفييية و حالمة ....
كلنا عندنا مشاعر كلنا نحلم و نحتاج و نرغب لكن مو معناه نغيب عقولنا و تجاربنا
فعلا راح عمر الحب و الحاجة و غيره
عمرها راح في المعاناة و في تربية أولادها و في معاناة نفسية هي أدرى فيها
مهما كان السبب و مهما كانت الحجة يكفى ان اللي راح راح و خلاص
أيش فائدة وجوده الان و هل راح ترجع الايام او تختفى ذكرى المعاناة ؟؟؟
الأنثى عاطفية للأسف الشديد مهما بلغ فيها العمر تبقى تسيرها العاطفة
هي الان تحتاج أبناءها و برهم و جمعة أحفادها مو زوج خذلها
و اعتذر لآختي سيدة الموقف لكن و ربي أني احترام لها اتحفظ على بعض الكلام
لكن باختصار انا اكره الآباء الظالمين و اللي يجلس يظلم و يتجبر و يبطش
ثم اذا طاح قال سامحوني ؟؟؟ و يبدأ سيل الأعذار لكن بعد فوات الأوان
و الموذي اكثر ان هذه النوعية ربي يسخر لها أبناءها و تجد تعاطف !!!
و كان شيئا لم يكن ؟؟؟
اسفه سيدة انا ما اقصد و الدك تحديدا لكن انا أتكلم على نماذج كثيرة مشابهه
شفتها بنفسي تذنب الى حد الاجرام و بعطين بكل سهولة تعتذر
و تستغل طيبة قلوب الضحايا و امك إنسانة عظيمة طيبة و عاطفية ربي يعوضها خيرا
و لو كانت أمي كان ما خليتها ترجع له بعد أيش ترجع و أيش الهدف ؟؟؟
هل إحساسه بانه ظلمها و كيف راح يعوض او إحساسه بانه هو المحتاج الان ؟؟؟
ممكن تسامح لوجه الله تعالى لكن ترجع ......؟؟؟؟
|
:*
شوفي ياغالية أنا فاهمة عليك ومعك في وجهة نظرك
ولعلمك في البداية كنت أول المعارضين لرجعة أمي له
بس بعد ماشفت بعيني إنه واحد ثاني وفعلاً أمي عنده شيء مهم جداً
حبيت أشوفهم مجتمعين مع بعض ببيت واحد ويقضون باقي عمرهم سوا
بس أمي ما أظن بترجع له لأني أعرفها أمي جرحها مستحيل يندمل
وبداخلها كبرياء ماراح يسمح لها ترجع له
حتى لو تحبه وفرحت برجعته
وهي المهم عندها الآن مو نفسها بقد ماهي مهتمة إن علاقاتنا معه كأب
تحسنت
مرات أسألها أقول يمه سامحتيه....؟
تقول لي مو مهم أنا أسامحه المهم الله يسامحه على إلي سوآه فينا
وأمي كسرها منه كبير لأنها نادر تلقينها فرحانة بدون غصة حزن
ودائماً بداخلها قهر وياكثر ماشفتها لحالها تبكي بدون صوت
أمي حتى عتاب ماعاتبته ولا حاسبته على إلي سوآه فيها
تقول من أعاتب ومن أحاسب جيبوا لي ذآك الظالم إلي بقوته وجبروته
هذا إلي أشوفه اليوم شايب مريض وضعيف ماقدر أحاسبه ولا اشفي غليلي منه
وعلى فكرة أخواني الشباب رافضين رجعت أمي له وإذا حاول معهم
قالوا له هذي هي عندك أسألها ومايتوسطون بها الموضوع نهائي
بس حنا البنات ماعادا أختي الكبيرة
مختلفين بوجهة نظرنا لأننا شايفينه حاب يعيش بوسطنا
يمكن على كلامك حنا عاطفيات بتفكيرنا وهمنا الوحيد نشوف
الثنين إلي نحبهم بنفس البيت كل مارحنا لزيارتهم
بس بالنهاية تهمنا راحت أمي قبل أي شيء ومدام هي مرتاحة
لقرارها مالها منا إلا السمع والطاعة
ولاتستغربي تسامحنا معاه
لما تشوفين إنسان على فراش الموت وتشوفين نظرة الوداع
والأسف بعينه صدقيني كل غل وكل حقد وكراهية راح تزول
من قلبك
كلنا عايشنا لحظات غيبوبته وإفاقته منها والله يا أختي لأول مرة
بحياتي أشوف إنسان يكلمك بعينه كأنه يقول سامحوني أنا ظلمتكم
أنا راحل من هالدنيا بس سامحوني كان بأشد حالات الوهن والضعف
ولا ثانية توقعنا إنه بعيش لأن وضعه كان حرج
مافي طبيب طمنا وقال ترآه ممكن يتعافى أو فيه أمل يعيش
الله له حكمة في نجاته
عطاه فرصة يطلب السماح وعطانا فرصة نسعى في بره
والدنيا يافتاة ماتسوى الإنسان يفكر فيها وإلا يفكر إنه مايسامح
لأن آخرتنا بحفرة صغيرة مانافعنا فيها إلا هالصفح والمعروف
إلي نسويه
والعاطفة إلي بين الإنسان ووالديه عاطفة عظيمة تتفوق على
أي شعور ثاني
تتفوق على أحساس الكراهية وأحساس الظلم وأحساس الحرمان والغبن
ريحة الأب وضمته صدقيني تجعل أقسى القلوب تلين
:*
:*
__________________
" اللهم اجعل لي فرجا ومخرجا , ودبرني فإني لا أحسن التدبير "
*
شوك أحبكِ في الله
فكوني قوية وابتسمي لتبتسم الدنيا