أختي... شو هي مشكلتج الأساسيه معاه؟

ان اهتمامه قل؟
ان كلامه معاج مما صار وايد؟

بصراحه تصرفج معاه و تركج له مب حلو إذا كان في مكان عام و الناس شافوكم و انتي تتركيه و تروحين... ابد مب حلو هالشي... و حطي نفسج مكانه و بتشوفين شو قصدي...

بس في نفس الوقت الحركه اللي صارت ما تستدعي انكم تتركون بعض علشانها...

أنا مب قادره اشوف اي مشكله رئيسيه عندكم...

الفتور شي طبيعي يحصل في جميع العلاقات... و العلاقه الزوجيه طبيعي انها تمر بفترة فتور... خاصة ان فترة الخطبه و عقد القران مجتمعه تقريبا سنه و نص... و هالشي طبيعي... يوم بتتزوجين و تكونون تحت سقف واحد بتواجهون مشاكل أكبر من ان كلامكم قليل... الحياه مب كلها حب و اهتمام و رومانسيه... لأنها تصدم بالواقع المعاش... و واقع العمل و المسؤوليات... خلي توازن في كل شي في حياتج...

فكري عدل... هل هو سيء لدرجة اني اطلق منه؟؟؟