رد : خساره يازوجي ,, بيطلقني عشان ماضي؟
اللي يقهر يقول عني خاينته وقال ايش قال انه طايح علي وسالوه وين الدليل قال انا طحت عليها وخلاص لاحد يناقش ومره كذب ع عمي قال عندي محادثات لها بالاب توب قال عمي هاتها ورني بشوفها قال مسحتها ومره يقول عندي برنت لها للمكالمات قالو هاته قال مدري وين حطيته كل هذا ويتهمني وهو حضرة جنابه يغازل قدام الناس وباسمه الصدقي وباسم عايلتنا والمشكله كان ضايف بنات كثير مسحهم وبقا وحده بس هاذي اللي قلتلكم عليها اللي رده جاهز لها وابشركم عرفت البنت وين ساكنه وهي تسولف بالعام معه طلعت ساكنه بالشرقيه مثل سكن زوجي بالشرقيه ومو بعيده يقابلها انا كبدي لاعت منه وربي اتابعه فضول لو جا الجد ماني راجعه له بعد كلامه بتويتر ان وحهي عبوس هذا سبني وماخاف ابوي يشوف سبه ولا بعد يهدد انه بيتزوج ويقول لخويه بتزوج وان غدا لناضره قريب بجد مايستحي وماصان العشره اقلها يسد فمه عني ،، يقدر العشره اللي بينا ولا صح كيف يقدرها وهو مسوي شي اعظم وقايل شي اعظم،، المهم عمي ابو زوجي متصل بابوي يقوله انت وراك مشين النفس قاله ابوي ماعليك مني مشين النفس ولا ماشينتها هاتو الورقه قال حنا رمضان والنفوس تهدا ان شاء الله قاله ابوي انت سمعت اللي عندي قال ايه قال ابوي مابعد الورقه كلام مانبيكم تبررون ولا تشرحون مسامحينكم بس الورقه هاتوها قال عمي يابو ،،، استهدي بالله قال ابوي ونعم بالله نبي الورقه سلام وسكره بس،، عاد قبل شوي ثنتين من عماتي اتصلو بابوي غير ام زوجي اتصلت عمتي اللي فزعت لبنات اختها وقالت ايه تعرف واحد واتصلت عمتي اللي اصغرهم اللي قالت انا رفعتها فوق والله انزلها تحت المهم ابوي مارد عليهم،، توهم يتذكرون انهم غلطانين توهم يفقدون ابوي يوم جدتي تتنوم وجا ابوي يسلم عليها ولا وحده فيهم وقفت له غير ام زوجي وابوي طنشها يوم شافو ابوي وقف معي وخلاهم عرفو انهم غلطانين ابوي قال لعمي روح قولهم قول لخواتي انا ماعندي خوات يذبحون الميت ويمشون بجنازته فضحو بنتي وبيطلقونها من زوجها لو الامر صحيح بنتي تعرف هالسوالف لو الامر صحيح كان عالجوه بينهم مسكو بنتي وقالولها غلط اللي تسوينه مو يروحون يعلمون رجالها وايش يتوقعون من ردة فعل رجالها بيحضنها وبيقول حصل خير،، لكن ماحنا حزنانين عليه هو مو رجل ولابه ذرة رجوله ،، وانا واثق ببنتي وهاذي تكفيني،، بس هذا اللي صار،، من جد شي يقهر يتصلون ولاكانهم مشتتين اطفال مستكثرين السعاده ع زوجيين والله حسد وغيره وحقد عشانه قبل يداري خاطري لكنه طلع تمثيل طلع وجهه الثاني طلع زوجي حقوود والدليل كلامه بتويتر وتصرفاته لو انه رجل يخاف ربه كان قال هاذي ورقتك يابنت الناس وسكت ولا يمشي ويتبلا ويطلع كلام مثل وجهه،، لكن حسبي الله ونعم الوكيل فيهم وزوجي حتى اخوياه قايل لهم زوجتي تكلم لانهم يكتبون شعر عن الخيانه معه وهو رد عليهم ويقول عزاه ،، مسكين بيحسب نفسه بينبسط لاتزوج ثانيه لاني انا ماراح اخليه من الدعاوي جعلله مايلقى الصالحه طول عمره عشان يقول هاذي حوبتها ظلمتها وربي عاقبني بجد،، والله يفرق شمل اللي فرق شملي وشمل عيالي يشوفها بنفسه قبل غيره ويصيرون عظه وعبره لبعضهم