رد : خساره يازوجي ,, بيطلقني عشان ماضي؟
الله لايوفقهم وربي صدري ضايق اليوم كلمتني خالتي وقالتلي عن زوجي انه لاهي بتويتر المشكله مع وحده بس من الفضول رحت اتابعه لقيتها ذالته هو يركض وراها ينتظرها تنزل اي مقطع اي كلمه عشان يرد عليها ويعلق تخيلو يحط لها شعر غزل وهي مافيه ذرة دلع كنها وحده من اصدقائه باسلوبها كاتبه له ابشرك عبيت الكرشه ميع بالميه وهو رد عليها بالعافيه مداخيل العافيه ياقلبي ،، ويمزح معها يقول غسلي الصحون لاتنسين واذا تبغين انا اغسل عنك بس امري انتي وهي ترد عليه ايه احسب منت مساعدني،، شي يقهر وربي يقهر انا ماعاد ابيه لو بيجي وبيرجع لي مابيه بس مدري ليه حسيت بالغيره يوم شفت كلامه هذا ولاشي مع الدلع لها وصار بالواتس اب بس اون لاين،، حسبي الله ونعم الوكيل عليه وعلى عماتي وبناتهم مدري وش استفادو من هالسالفه شتتو عيالي وضيعو اخوهم للحرام هو من اول بالحرام يكلم لكن هالمره قدامي يعني شوفي اذا كنتي تتابعيني بالله شلون لو افكر ارجع بيغازل قدامي وبيقول انكتمي لانه من جد واثق بكلام خواته وخالاته،، والله طاح من عيني وعماتي وبناتهم كل وحده بحضن رجالها تامر وتنهي ولاجاهم رجالي قامو يحششون راسه اكثر لين كبر قلبه علي وعلى عياله،، انا بعد هذا كله ما ابيه مو عشاني كرهته اكذب ان قلت كرهته انا ما ابيه عشان كرامتي اهاني هو وامه اكثر شي جرحني طعنه لي بشرفي وغير كذا ملابسي حطوها باكياس وشناط وحطو اخوه بشقتي ،، واليوم عمتي ام زوجي اتصلت بابوي بتسلم عليه شكلها وابوي مارد عليها اتصلت مرتين ومارد،، اما الباقيات زعلانات مكذبات الكذبه ومصدقينها يقولون ماقلنا شي واخونا غلط علينا يقصدون ابوي وهم بداية السالفه قالو ايه قلنا والحين انكروا ابوي يقول انا عقلي معي للحين ماضيعته عشان تقولون ماقلنا انا ذاكر كلامكم،، ع العموم هذا انا من القهر رجعت اتابعه مو حبا فيه فضول بس والله يجرحني قسم بالله معاملته لها تقولون حبيبته او زوجته يحاتيها ويتابعها اول ماتنزل كلمه بدقيقه يرد عليها مايمدي تمر ساعه مايعطيها مجال رده لها جاهز ،، كل مره اقول وش دخلني فيه بالطققاق دامني ما ابيه ليه اتابعه لكن ارجع اتابعه ليه مدري.. وحسبي الله ونعم الوكيل،، وامس خويه كاتب بتويتر الزوجه اذا غضبت ضمها لانها كالطفله رد زوجي وقال بل وانت صادق عطها كف خلها تصحى من الغفله قاله خوييه لا مايصير خلك حنون مع المراه واحسنو معاملتها قال ايه احسنو معاملتها احسنو معامله المحقق كونن لانه الزوجه نشبه بس تسالك من وين جاي من وين رايح من ومن ومن غثا الله يعينكم اشوا اني عزوبي ،، بالله احسه مافيه ذرة ندم وانا اللي كنت اعشم نفسي واقول يمكن بيوم بيقول ظلمتها يمكن بيوم يحن طلع لا بالعكس مو فاقدني ابد مو فاقدني،، اقسم بالله صدري ضايق منه وهو عايش حياته ولافكر حتى بعياله،، عارفه انه عايفني لكن ربي بياخذ حقي عارفه انه مافيه دليل واحد يثبت رجعته لي ومع هذا اغار عليه ليه مدري،، لاتنسوني من دعائكم برمضان ان الله يعلق قلبه فيني ويصرف قلبي عنه