أخوي... ليش ما تروح بنفسك مثل ما نصحناك لبيتها و تاخذ معاك شخصين... و تتكلم مع اهلها... تقول لهم فهموني هل هذا وحم او لا...

في حاله صارت عندنا في الإمارات حتى كتبوا عنها في الجرايد... عن وحده راحت التوجيه الأسري و طلبت طلاقها من زوجها طلقه رجعيه و ارجاعها بعد الولاده لأنها تعاني من الوحم...

طيب هذي أهلها فهموا الزوج ان الحرمه فيها وحم... أما أهل زوجتك عجيبين غريبين... لا ام عاقله و لا أحد عاقل في البيت يتكلم مع الزوج... العائله بكبرها تتهرب بشكل غريب... لو العائله فاهمه ان اللي في بنتهم وحم كانت ما نشرت بين الناس انها طالبه الطلاق!!!

ما أظن هذا وحم...وحم يرفض التواصل مع الزوج بتاتا بس وقت الفلوس عنده استعداد يتواصل!!!!!

الحل الوحيد امامك انك تسير لهم البيت و تفهم شو الموضوع... اقعد مع الأب و الأم... اسأل الأم بشكل مباشر... بنتج ليش زعلانه مني... شو صار لها... هل اللي فيها وحم او لا... عموما اذا طلقت... هي ما راح تطلع من العده إلا بعد الولاده... أنا ما أنصح بالطلاق... بس ابيك تفهم الموضوع و ما تعلق نفسك على انه وحم فقط...