رد : لا اريد مواساة اريد حلا
اقتباس:
المشاركة الأصلية كتبت بواسطة رجل اهبل
الله يشهد اني في الطوالارء في المستشففى ...مع احد المرضى على صباح الجمعه ولكني مصر ان ارد على موضوعك
اخd انا اتفق مع صاخب جد ان الزواج في مثل حالتك علااج
وان تزوجت وضيعت اطفالك ....فانت اب فاشل ......والاولى والثانيه لا ذنب لهم ؟؟؟!!
اخي
اذا انت اكرمت الكريم ملكته واذا انت اكرمت الئيم تمردا
الرمنسيه والدلال اذا قدمت من الزوج لزوجه تستحق ...............ملكها بقيت عمرها ...........
واذا كان الغير كان العكس
في رايي ان شخصيتك جمميله ....وانت تتصرف كزوج مثالي .....لكن المشكله في الطرف الاخر ........
رايي ....بصراحه
لا تحملها مالاتطيق ..................اتركها في طبعه وحياتها .....و 3 اطفال و 11 سنه .....كافيه
وزوجه اخرى ......بصفات تناسبك ستكون .....علااج للك ..
اما الطلااق ..........فمصيبه ......لم تعد كرجل تستطيع انم تطلق بسبب الاطفال وهي تعلم ذللك وتعلم انك لن تفرط في اطفاللك لذللك هي تجفاااك بهذه الطبائع ...........................
تزوج ........تزوج ...........تزوج ...............وقسم بالله لو تعزمني على زواجك .....لاعاونك  |
يشهدالله ويعلم الله إني مادخلت للموضوع إلا مخصوص علشان هالرد وإلاما الحلول هناك من هم احسن وافضل مني من الإخوة وردي هذا موجه للأخ الفاضل رجل اهبل اخي الكريم كنت لما اقرأ ردودك ومشاركاتك في المنتدى اقول خسارة يسمي نفسه بالرجل الأهبل لأن هذا عقله يوزن بلد صراحة ردودك ومشاركاتك كلها فيها عقل وحكمة وموفق فيها إلاهالرد صراحة واعتذر منك مو اهبل وبس إلاقاضي ومنتهي يا خوي الله يهداك تنصح الرجل بالزواج على حرمته وحرمته بالإمكان اصلاحها بقليل من الحزم الرجل زوجته تحبه وهو يحبها وبينهم اطفال يا اخي اتقي الله في هاذي النصيحة لو تزوج الأخ وزوجته الأولى رمت اولاده عليه وطلبت منه الطلاق وتشتتوا اطفالهم او انه مايقدر يطلقها لاكنه يضحي بالثانية ويطلقها لو خيرته زوجته بين طلاقها هي او الثانية وطلق الثانية وش ذنبها بنت الناس ينخرب بيتها هذا اولا ثانيا وش ضمنه إن الثانية بتجي تحطه بكرسي هزاز على طول يمكن ان الأولى ارحم فيه منها وثالثا اذا زوجته الأولى فرضا ماطلبت الطلاق لاكنها صلحت امورها وتعدلت معاه معاملتها وهو اعترف انه يحبها ومع الوقت يحس بتأنيب الضمير ويشوف ان زوجته تعدلت والزوجة الثانية مالها لزمة افترض طلقها لأن البعض من الأزواج يعدد بس علشان يحط الثانية السوط اللي يجلد فيه الأولى ولما تتعدل وينصلح حالها يقول لثانية جزاك الله خير وبيض الله وجهك ماقصرتي انتهت مهمتك ومو شرط هو يقول لها لا بعضهم يسوي حركات ويبتكر خلافات ينبشها نبش من تحت الأرض علشان هي تمل منه وتطلب طلاقها وهو يطلع منها مثل الشعرة من العجينة
اخي الفاضل رجل اهبل لو الرجل اخذ بنصيحتك وتزوج وانخرب بيته واتشتتوا اطفاله ذنبه برقبتك انت يااخي مو من البداية الواحد ينصح بالزواج خاف ربك تبغى تهدم بيت معمور بنصيحتك راجع كلامك وراجع ردك وراجع كلام الرجل عن زوجته وشوف وش قال عنها زوجته عيوبها بسيطة ويمكن من الحمل وضغط البيت والأطفال وخربطت الهرمونات تسوي معاه كذا وإلا هي على حسب قوله تحبه لاكن ماعرفت تترجم هالحب للواقع وهو كمان عليه اخطاء ارتكبها من قبل فيجب عليه ان يتحمل نتيجة اخطائه ويصلحها بقدر المستطاع ناظر حتى طفلك وهو طفل إذا دللته وبالغت في دلعه ودلاله تلاقي له ردات فعل عنيفة ومنها انه يكون عنيد وشقي ويبغى ياخد ومايعطي ويبغى كلمته هو تكون المسموعة وطلباته كلها تكون مجابة اما إنه في السابق يهب لها ملكا ويدلعها ويدللها والحين يريد ان ينتزعه منها وفي وقت وجيز هذا خطأ وليس بحل الحل انه يجلس معاها ويناقشها ويقول لها عن اللي بخاطرة وإن مانفع معها يهددها بالزواج عليها يمكن إنها تحس وتتلافى اخطائها وتصلح علاقتها مع زوجها هو قال انها تحبه واكيد انها تخاف عليه لو مانفعت معاه كل الحلول يسوي نفسه مريض وتعبان ويحتاج لراحة والله انها راح تتغير وراح تكون حريصة عليه ما تزعله ولا تضايقه وراح يتعدل الوضع معاها هو بس يجرب يمر اقرب صيدلية وياخذ له كم دواء ويمر اقرب مطعم ياكل فيه الين ينتفخ ويروح لها البيت ولو حطت له اكل يقول لها ما اريده انا تعبان ومالي نفس بالزاد وابغى ارتاح طبعا هي راح تنشغل عليه وتنصدم ويحاول انه يمثل عليها الدور انه تعبان وعنده مواعيد وتحاليل بالمستشفى ولو راح اتفق له مع دكتور ويزوره بالمستشفى يكون احسن وهي تكون معاه والدكتور يشرح له ويجلس يفهمه قدامها انه لازم انه يرتاح ويبتعد عن الزعل والعصبية وكمان ينصح زوجته بالمحافظةعلى صحة زوجها ورعايته والإهتمام فيه وهي رايحة تصدق والله راح يشوف انها لتشيله من الأرض شيل وماراح تزعله ومع الوقت راح تتعدل لأنها كل ماتتذكر صدمتها بمرضه ماعاد تقدر تزعله او تجرحه هو يجرب الحل هذا واحتمال كبير يأنبها ضميرها وتشك إنها هي السبب في مرض زوجها وانها هي اللي وصلته للوضع هذا وتحاول تبذل المزيد لراحته ورضاه وسعادته الحرمة ما تترك عنادها إلا إذا حست بسندها وظهرها ابتدى يمرض ويضعف تجلس تفكر وتهوجس من عاد بيقوم بخدمتي من بعده انا واولادي من بيدللني ويدلعني ويعيشني العيشة اللي الحين انا فيها اولادي وانا وش بيكون مصيرنا من بعده لا سمح الله يكون عندها خوف وقلق على صحة زوجها وتترك العناد وفرض الرأي وراح تتقبل من زوجها اي شئ كله علشان راحته
المهم انا قرقرت واجد وقلت مابقدم حلول لاكن رجعت حطيت اللي جاء على بالي وكتبته اتمنى ان الأخ يجرب اللي قلت له عليه ويشوف النتيجة ويقول لنا عنها وانت يا اخ رجل اهبل اتمنى مايكون كلامي ضايقك لأنك انت ياخوي جبت الحل من الآخر زواج مرة ثانية وهذا لا نضعه اول الحلول في مشكلة الأخ وبارك الله في الجميع
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 13-07-2012 الساعة 01:04 PM